Sabti, September, 23, 2017(HOL) – Wasiiro ka tirsan xukuumada Soomaaliya
ayaa lagu wadaa in ay maanta hortagaan fadhiga mudanayaasha baarlamaanka
Soomaaliya, kaddib markii ay dhawaan dalbadeen xildhibaannada.
Wasiirada ayaa xildhibaanada u akhrin doono hindise sharciyeedyo la doonayo
inay ansixiyaan marka ay dood ka yeeshaan kadib.
Wasiirada maanta hortagayo xildhibaanada golaha shacabka ayaa kala ah
wasiirka caafimadka, Cadaaladda iyo warfaafinta.
Wasiirka Wasaarada Caafimaadka iyo Daryeelka Bulshada ee Xukuumada
Soomaaliya Drs Foosiyo Abiikar Nuur ayaa Xildhibaanada ka hor jeedin doonto
Hindise sharciyeedka Caafimaadka Dalka
Xassan Xuseen Xaaji Wasiirka cadaaladda ayaa sidoo kale lagu wadaa in uu Xildhibaanada ka
hor jeediyo hindise sharciyeedka la dagaalanka Musuq Maasuqa.
Wasiirka warfaafinta ayaa xildhibaanada ka hor jeedin doono wax ka badal
lagu sameeyay Xeerka Saxaafadda Soomaaliya.
C/raxmaan Diini, Hiiraan Online
[email protected]