Ra'iisal wasaare kheyre'' ciidamadeena waxaa hor taagan cunaqabateynta hubka ee saaran
Sabti, September, 23, 2017(HOL) - Xarunta Qaramada Midoobay
ee New York waxaa qudbad taariikhi ah ka soo jeediyay ra’iisal wasaaraha
Soomaaliya Hassan Ali Khayre.
Ra’iisal wasaaraha ayaa sheegay in dhanbal Salaan ah uu ka
sido Madaxweynaha iyo shacabka Soomaaliyeed, isaga oo dhanka kale faahfaahin ka
bixiyay isbadalka ay Soomaaliya gashay iyo halka ay ka timid, Waxa uu qiray in
Soomaaliya ay samaysay horumar la taaban karo
"Soomaaliya horay ayay u socotaa waxana naga go'an in
aan sidas ku sii scono, hadafkanagu waa in aan ka qeyb qaadana horumarinta
gobolka qaarada iyo caalamkaba, inkasta oo ay jiraan marxalado adag hadana
waxaan horumar la taaban karo ka gaarnay , Amaanka, soo celinta sharcia iyo
kala danbaynta iyo sal u dhigida siyaasada"
Mudane Khayre oo ka hadlayay kooxaha Nabad diidkaa ayaa
xusay in caqabadaha ugu balaaran ay yihiin dhibaatootinka argagixsada.
"Argagiixsada ayaa kow ka ah caqabadaha aan wajahayno,
taas oo saamaynaysa guud ahaanba caalamka loona baahanyahay in si wada jir ah looga
hortago, Haddii aan nahay dowladda Soomaaliya waxaan guulo waaweyn ka gaarnay
la dagalanka kooxda Al-shabaab oo aan ku wiiqnay awooda kooxdaasi, Waxan u
mhadcelinaynaa ciidamada Nabad ilaalinta AMISOM oo aan ka helnay naf u hurid
iyo taageero balaaran oo aan hagrasho ku jirin"
Ra'iisal wasaaraha ayaa qudbadiisa ku xusay ahmiyada
dhalinyarada iyo sida ay xukuumaiisu tixgalin u siinayso isaga oo tusaale u soo
qaatay alllaha u naxariistee wasiir cabaas siraaji oo tusaale u
ahaa dhalinyarada
" Faqriga waxbarasho la'aanta iyo nolosha adag ayaa ah
kuwo sii kordhinaya dhibaatooyinka iyo ficilada argagixida aduunka oo dhan,
dhalinyarada oo aan loo helin fursado shaqo iyo waxbarasho ayaa sii badinaya ku
biiristooda kooxaha danbiilayaashaa oo ay argagixisadu ka mid tahay"
Ra’iisal wasaaraha ayaa sheegay in cuna qabataynta hubka ee
saaran Soomaaliya ay hortaagantahay Guul laga gaaro ladagaalanka kooxaha nabad
diidka ah.
Qodbada ra’iisal wasaaraha oo dheereyd waxaa lagu xusay in
Somaliya ay la dagaalamayso Musuqa, isla markaan dowladu ku dadaalayso tayaynta
ciidanka qaran iy sidii loogu dhamaystiri lahaa Tasiilaadkii ay kula wareegi
lahayeen amniga dalka
Deeqo Shire (SONNA)
[email protected]
