Jimco, September, 22, 2017
(HOL) –Madaxweynaha tallada haya ee dalka Kenya Uhuru Kenyatta ayaa ku
tilmaamay go’aankii maxkamada sare ee lagu laalayay doorashadii madaxtinimada
dalkaas Iqilaab ama afganbi lagula kacay dalka Kenya.
Maxkamada sare ee dalka
Kenya ayaa waxba kama jiraan ka soo qaaday doorashadii madaxtinimada ee dalkaasi
ka dhacday, kaddib markii siyaasiyiinta xisbiga mucaaradka ugu weyn dalkaa
dacwad u gudbiyeen maxkamada.
Guddiga doorashada ayaa
hadda dib u dhigay waqtigii loo asteeyay in ay dhacdo doorashda ku celiska ah
oo ku beegneyd 17 bisha October ee nagu soo foolka leh, waxaana uu guddigu sheegay in doorashada dib
loo dhigay ilaa 26ka October.
Madaxweyne Uhuru ayaa yiri ' Waxaa dalkan inqilaab ka
sameeyey afar qof oo maxkamada sare jooga .
Laakiin go’aankan markii uu soo baxay waxaa dhinacooda
soo dhaweeyay siyaasiyiinta mucaaradka gaar ahaan Raila Odinga oo ah shaqsiga
siyaasad ahaan ay sida weyn isaga soo horjeedaan Uhuru Kenyatta, lana filayo in
uu kursiga kula tartamo doorashada soo socta.
Sanadii 2007-dii ayaa rabshadihii dhacay doorashada ka dib waxaa ku
dhintay 1200 oo qof kadib markii xiisado siyaasadeed ay ka dhasheen
doorashooyinka.
C/raxmaan Diini, Hiiraan Online
[email protected]