Jicmo, September, 22, 2017 (HOL) - Wakaaladda
Maraykanka ee Horumarinta Caalamiga USAID ayaa ku dhawaaqday $ 575 Milyan oo
dheeraad ah oo gargaar ah in ay siineyso dalalka Yemen, Koonfurta Suudaan,
Nigeria iyo Soomaaliya oo Abaaro ay ka jiraan.
Hay’adda ayaa sheegtay in ujeedada lacagtan ay u bixineyso ay tahay sidii ay
u caawin laheyd malaayiin qof oo Afartan wadan ku wajahaya gaajada iyo
rabshadaha.
“Lacagta dheeraadka ah waxay keenaysaa kaalmada bini’aadanimo ee Mareykanka
ilaa $ 2.5 bilyan oo ah afartan dal ee tan iyo bilawgii sanadka 2017.” Ayaa
lagu yiri warka Hay’adda Mareykanka ee Horumarinta Caalamiga ah.
Mark Green, Madaxa USAID, ayaa Maaliyaddan cusub kaga dhawaaqay shirka
Golaha Guud ee Qaramada Midoobay New York, halkaas oo hoggaamiyeyaasha caalamku
ay ka maqlaan dhibaatada aan caadiga ahayn ee ka jira dalalkan.
“Malaayiin qof ayaa u baahan gargaar bini’aadannimo sababtoo ah
dhibaatooyinka ay saameeyeen Koonfurta Suudaan, Nigeria, iyo Yemen iyo
Soomaaliya, halkaas oo iskahorimaadyada socda ay sii xumeeyeen saameynta abaar
ba’an.” ayuu yiri Mark Green.
C/raxmaan Diini, Hiiraan Online
[email protected]
