Qodobo laga soo saaray shirkii taliyayaasha ciidamada dowladda federaalka iyo dowlad gobolleedyda
Khamiis, September, 21, 2017 (HOL) - Waxaa magaalada Muqdisho lagu soo
gabagabeeyay shir mudo saddex maalmood ah uga socday taliska ciidamada booliiska dowladda federaalka iyo kuwa dowlad gobolleedyada dalka oo looga arinsanaya hanaanka
dhismaha ciidamo booliiska oo isku dhaf ah.
Shirka ayaa ugu danbeyntii
laga soo saaray qodobo dhowr ah oo ay ka mid ahaayeen
1 : Dardargalinta dhib u
dhiska iyo dib u habeynta ciidanka booliiska Soomaaliyeed, xag ciidan qalabeyn,
tababar, deegaan Aagab iyo isku xirnaan.
2 : In la dadajiyo fulinta siyaasadaha
heshiisyada iyo go’aannadii ay gaareen guddiga amniga Qaranka ee ku saabsanaa
dib u dhiska ciidanka booliiska Soomaaliyeed.
3 : In si joogta ah xili
mudeysan labadii biloodba mar si meerto ah CPC ugu shiraan caasimadaha dowlad
gobolleedka taliyayaasha booliiska heer
Qaran iyo heer dowlad gobolleed, kaasoo looga arinsan doono dardargalinta
howlaha booliiska iyo amniga dalka, waxaa sidoo kale leysku raacay hab raaca shaqo (TOR) ee guddigu ku shaqeeyaan.
4 : In wada shaqeyn buuxda
lala sameeyo guddiga farsamo ee wasaarada amniga dhiseyso loona magacaabo xubno
uga qeybgala labada heer booliiska Soomaaliyeed.
5 : In hal manhaj tababar oo isku mid ah loo sameeyo ciidamada iyadoo wixii
tababar ah mas’uul ka noqon doono booliiska federaalka.
6 : In wixii kaalmo ama
deeq ah loo qeybo si cadaallad ah oo ku saleysan baahida
7 : Ugu danbeyntii waxaa kaloo lagu heshiiyay in
Jaangoynta 32 Kun Askari ee booliiska Soomaaliyeed loo saaro guddi u soo xusha
si cadaalad ah oo baahida ku saleyn.
Wasiirka wasaarada amniga
gudaha Maxamed Abuurkar Isloow Dacaale iyo taliyaha ciidamada booliiska
Soomaaliyeed Jen C/xakiin Daahir Saciid ‘’Saacid’’ oo si wada jir ah u soo
xiray kulanka, ayaa u mahad celiyay dhamaanba taliyayaashii ka qeybgalay
kulanka, gaar ahaan taliyayaasha dowlad gobolleedyada.
Wasiirka ayaa sheegay
shirka ugu soo horeeya lagu qaban doono hadba maamul gobolleedkii leysku afgarto.
Jen Saacid ayaa sheegay in
booliisku lafdhabar u yahay dowladnimada, isaga uga mahad celiyay taliyayaashii ciidamada ee ka qeybgalay kulanka sida ay ugu dadaalayaan dhismaha ciidamo tayo
leh oo leysku haleyn karo.
Shirkan ayaa daba-socday
go’aankii ay horay u gaareen mas’uuliyiinta dowladda dhexe iyo maamul
gobolleedyada ee dhismaha ciidamo Qaran oo isku dhaf ah.
C/raxmaan Diini, Hiiraan
Online
[email protected]