Galmudug oo isku khilaaftay mowqifka madaxweyne Xaaf ee khilaafka wadamada Khaliijka
Khamiis, September, 21, 2017 (HOL) - Kaddib qoraal uu soo saaray madaxweynaha
maamulka Galmudug Axmed Ducaale Geelle Xaaf oo taageeray mowqifka wadamada
Sacuudiga iyo Imaaraadka ee ka dhanka ah Qatar, ayaa dhinaca kale waxaa soo
baxay qoraal loogu soo horjeedo mowqifkaa hore ee ka soo baxay madaxweyne Xaaf.
Shir jaraa'id oo ay wada jir ugu qabteen magaalada Cadaado, ku-xigeenka
Madaxweynaha Galmudug ahna madaxweyne ku-xigeenka Maxamed Xaashi Cabdi,
guddoomiyaha baarlamaanka Galmudug Cali Gacal Casir iyo guddoomiye ku- xigeenka
labaad Maxamed Sheekh Axmed, waxeyna ku gacan seyreen go’aanka uu qaatay
madaxweynaha Galmudug ee uu ku taageeray isbahaysiga Sucuudiga.
Madaxweyne ku-xigeenka Galmudug Maxamed Xaanshi Cabdi ayaa sheegay mowqifkooda la socodsiiyeen madaxweynaha Galmudug , isaga oo intaa ku daray in ay tageersan yihiin mowqifka dowladda federaalka.
Wasiirka warfaafinta Galmudug Maxamuud Aadan Cismaan ayaa VOA u sheegay in
madaxweynaha Galmudug uu qaatay go’aanka lagu taageerayo dowladdaha Sacuudiga
iyo Imaaraadka ee ka dhanka ah dowladda Qatar.
Hadaba Hoos ka Akhriso qoraaalka danbe ee ka soo baxay Galmudug :
C/raxmaan Diini, Hiiraan Online
[email protected]
