Khamiis, September, 21, 2017 (HOL) - Hay'adda u doodo xuquuqda aadanaha ee Human Rights
Watch ayaa soo saartay bayaan ay uga hadlayso dhibaatada ay wajahaan qaxootiga
Itoobiya ee ku sugan dalalka Bariga Afrika.
Hay'adda ayaa sheegtay in dhibaatooyiin ay la kulmaan
qaxootiga, qaarkoodna loo gacan geliyo dowladda Itoobiya oo raadineyso dadka
mucaaradka ku ah.
Warka waxaa lagu xusay in dadka caanka ah ee
mucaaradka ku ah Itoobiya ee loo dhiibay maamulka Addis ay ka mid yihiin kuwa
haysta dhalashooyiinka dalal Reer Galbeed ah.
Dadkaasi waxaa ku jiray nin dhalasho British haystay
oo lagu qabtay Yaman iyo qof kale oo lagu qabtay South Sudan oo dhalashada
Norway haystay.
Sidoo kale hay'adda ayaa xustay Cabdikarim Sheekh Muse
oo loo garanayay Qalbi Dhagax oo la sheegay in dowladda Soomaaliya ay u gacan
gelisay Itoobiya.
Cabdikarim wuxuu ka mid ahaa guddiga fulinta ee
Jabhadda Xoreynta Soomaali Galbeed ee ONLF, wuxuuna dhowr sano ku noolaa
magaalada Muqdisho.
Hay'adda difaacdo xuquuqda aadanaha ee Human Rights
Watch ayaa qortay in Somaliland dhankeeda ay qaxooti ku qasabtay in ay Itoobiya
ku noqdaan.
"Sideed ka mid ah dadkii noqday ayaa lagu
jirdilay gudaha Itoobiya", sida HRW ay sheegtay.
Dowladda Soomaaliya ayaa Qalbi Dhagax ku eedeysay in
uu argagixiso taageerayay, sidaa darteedna "Amniga uu halis ku ahaa".
Xuquuqda Warkan : BBC
C/raxmaan Diini, Hiiraan Online
[email protected]
