Khamiis, September, 21, 2017
(HOL) - Ilaa 200 oo qaxooti Soomaaliyeed
ah ayaa lagu xiray gobolka Koonfurta ku yaala dalka Yemen ee Hadhramaut sida
laga soo xigtay booliiska gobolka.
Saraakiisha
booliiska ayaa sheegay in ay ay qabteen 200 oo qaxooti Soomaaliyeed ah,
kuwasi oo ku socday hab sharci daro ah islamarkaana aan wadan dukumintiyo
sharciyeysan.
Dadkan qaxootiga ah oo ay ku jireen carruur iyo dumar ayaa soo gaaray yemen, sida ku
qorneed war- saxafadeed ka soo baxay xarunta booliska ku yaaalo degmada Mayfa
ee koonfurta gobolka Hadhramaut, sida ay sheegayaan warar laga helay ciidamada
amniga ayaa waxa sheegayaan in dadkii la hayay loo gudbiyay xerada
qaxootiga ee Africa ee ku taaalo koonfurta gobolka Shabwa ee Yemen.
Warbixin ay soo saartay hayda UN-ka ee arrimaha qaxootiga ayaa
sheegayo in qaxootiga Africa ah ee soo gaarayay, Yemen tan iyo billowgii
2017-ka inuu dhaafay 30,000 oo Ruux.
Hay’adda IOM ayaa Talaadadii todobaadkan sheegtay in 133 ruux oo qaxooti Soomaaliyeed
dib ugu laabteen dalka.
C/raxmaan Diini, Hiiraan Online
[email protected]
