Guddoonka baarlamaanka Soomaaliya oo digniin ka soo saaray safarada xildhibaannada
Khamiis, September, 21, 2017
(HOL) –Guddoonka baarlamaanka Soomaaliya ayaa uga digay Xildhibaanada
safarada ugu anbabaxa dalka dibediisa iyadoo uusan guddoonku ka warqabin.
Guddoomiyaha baarlamaanka Prof Maxamed Cismaan Jawaari ayaa sheegay in
Safarada badan ee xildhibaannada ay
caqabad weyn ku noqotay kulamada baarlamaanka ee caadiga ah, isla markaana
illaa boqol Xildhibaano ay safaro ugu maqan yihiin dalka dibediisa.
“Ma jiro xildhibaan safar karan isaga aanan guddoonka soo ogeysiin guddoonka
baarlamaanka waa in uu sheegaan xildhibaannka howsha uu u baxayo, si looga
warqabo, hada boqol Xildhibaan ka badan ayaa maqan oo aanan ka warqabin
ujeedada ay u maqan yihiin”ayuu yiri Guddoomiye Jawaari.
Kulamada baarlamaanka ayaa mar marka qaar u baaqda Kooram la’aan, madaama la
waayo inta badan xidhibaannada oo aan qaarkood soo xaadirin kulamada ama safar
uga maqan dalka.
Guddoomiye Jawaari ayaa xildhibaannadda ugu baaqay in ay waajibkooda gutaan,
waxaana uu tilmaamay in ay ka turjumayaan shacabka oo ay saaran tahay
mas’uuliyad, sidaas darteedna aanan loo baahneyn in ay danahooda gaarka ah
fiirsadaan.
C/raxmaan Diini, Hiiraan Online
[email protected]