Talaado, September, 19, 2017 (HOL) –Xarrakada Al-shabaab
ayaa baahisay muuqaal laga duubay sadex nin oo Kenyan ah kana tirsanaa
dagaalyahanada Ururka, laakiin ay ku sheegeen in ay u basaasayeen ciidamada
Kenya.
Qofka ugu horeeyay sawirkiisa ay soo bandhigeen Al-shabaab
ayaa ah Cabdallahi Talaal Muuse oo 28 jir
ah, kana soo jeeda magaalada Nairobi ee dalka Kenya, ninkan ayaana Al Shabaab
ku soo biiray sanadkii 2010-kii .
Ninkan ayaa sheegay in sanadkii 2012-kii uu l asoo xariiray nin lagu magacaabo
Battaar oo ka tirsan guutada ATPU ee sirdoonka Kenya, waxa uuna xusay in
ninkaasi ku tashkiiliyay in uu la shaqeeyo Sirdoonka Kenya una soo gudbiyo
sawirada iyo numberada Hogaamiyaasha Al-shabaab.
Cabdi Casiis Mukayo Omambia oo ah qof labaad ee muuqaalkiisa la soo bandhigay
ayaa sheegay markii uu qaatay diinta Islaamka lagu qal qaaliyay in uu
Al-shabaab ku biiro uuna uga soo dhax gudbiyo Xoggo sirdoon, waxa uuna
tilmaamay in uu ogolaaday arintaasi uuna Soomaaliya ku yimid howshaasi isaga
iyo rag kale.
Waxaa uu sheegay in ay u suurto gali weysay howshii shaqo ee la soo diray isaga
iyo rag kale, waxa uuna intaa raaciyay in ragii kale qaarkood baxsadeen kuna
laabteen gudaha Kenya balse isaga lasoo qabtay xili uu doonayay in uu Kenya ku
laabto.
Hashim Cusmaan
Shelali oo ah qofka oo ka soo jeeda magaalada Mombasa, waxa qirtay in Sirdoon
Caalami ah oo raadinayay xogta Nin Brtish ah oo Al-shabaab ku soo biiray.
Waxaa uu sheegay in Sirdoonka la soo xariiray ay is fahmeen uuna u gudbiyay xogo
ay kaga baahnaayeen, waxa uuna intaa raaciyay in markii ugu horeesay uu ka
qaatay lacag dhan $2653 dollar oo la soo dhigay Xawaalada Dahabshiil.
Eedeymahan oo dhan ah ayaa ah kuwo u gaar ah Al-shabaab, waxaana xusid mudan in
horay marar badan oo hore ay u toogeen rag Ajaanib ah oo ka bar bar
dagaalamayay kuwaa oo ay ku eedeeyeen in ay ahaayeen Jawaasiis ama Basaaas.
C/raxmaan Diini, Hiiraan Online
[email protected]
