Ra’iisal wasaare Kheyre oo la filayo in uu khudbad ka jeediyo shirka gollaha guud ee Qaramada Midoobey
Talaado, September, 19, 2017 (HOL) -- Ra’iisal wasaaraha xukuumadda Soomaaliya
Xassan Cali Kheyre oo ka qeybgalaya shirka gollaha guud ee Qaramada Midoobey ee
maanta ka furmaya magaalada New York, ayaa la filayaa in uu gollaha ka hor
jeediyo khudbad la xiriirta xaalada Soomaaliya.
Waxaa la filayaa ra’iisal wasaaraha in uu khudbadiisa
diirada ku saaro wax qabadka dowladda mudadii ay jirtay, la dagaalanka
Al-shabaab, dhismaha ciidamada Qaranka Soomaaliya iyo sidii loo Maalgashan
lahaa dalka Soomaaliya oo ka soo kabsanaya colaad mudo dheer uu ku jiray.
Ra’iisul Wasaaraha Soomaaliya ayaa sidoo kale Shirka golaha
Guud ee QM ka horsheegi doona wixii u qabsoomay mudadii Koobneyd ee
Xukumaddiisa ay jirtay.
Ra’iisal wasaare Xassan Cali Kheyre iyo wafdiga uu
horkacayo ayaa marka laga soot ago shirka waxaa la filayaa in ay kulamo gooni
gooni ah la qaataan madaxda caalamka ee shirka ka qeybgali doonta, iyaga oo
kala hadli doona xiriirka ay la leeyihiin Soomaaliya iyo sidii loo kobcin lahaa.
C/raxmaan Diini,
Hiiraan Online
[email protected]
