Isniin, September, 18, 2017 (HOL) – Howlgalka oo ahaa mid sida ay sheegeen
saraakiisha ciidamada lagu xaqiijinayo amniga ayaa laga sameeyay xalay qeybo ka
mid ah degmooyinka gobolka Banaadir, gaar ahaan xaafaddaha degmada Warta Nabada
Ex War-dhiigley.
Ciidamada ayaa howlgalkooda ku bartilmaameedsaday gadiidka iyo guryaha oo
baaritaanno xoog leh ay ka sameeyeen, iyadoo lagu soo qab qabtay rag u badnaa
dhalinyaro.
Dadka deegaanka ayaa sheegaya in ciidamada ay dhalinyarada ay qabteen sii
daayeen, halka qaarkood ay horay u wateen.
Ma jirto wax war ah oo ka soo baxay laamaha ammaanka oo ku aadan howl galkii
xalay ee dadka faraha badna lagu qabtay.
Magaalada Muqdisho ayaa todobaadyadii ugu danbeeyay waxaa ku soo
xoogeysanayay dilalka qorsheysan oo ay geysanayaan kooxo aan la garaneynin,
waxaana la baadii cisho ee la soo dhaafay oo kaliya siyaabo kala duwan loogu
dilay caasimada tiro ka badan 5 ruux oo qaarkood ka tirsanaa dowladda.
C/raxmaan Diini, Hiiraan Online
[email protected]
