Axad, September, 17, 2017 (HOL) –Maxamed Yuusuf Tigey oo ka mid ahaa guddiga
Taakuleynta heer Qaran ee ciidamada xoogga dalka Soomaaliya ayaa sheegay in uu
iska casilay xubinnadii guddiga, waxaana uu noqonayaa mas’uulkii labaad ee
isaga baxay guddiga tan iyo markii lagu dhawaaqay.
Waxaa uu sheegay in uu iska casilay xubinnimadii guddiga, kaddib markii uu
arkay madax banaani la’aanta Guddiga, isku dheeli tirnaan iyo ixtiraam la’aan
guddiga.
Tigey ayaa shalay ka mid ahaa xubnaha
Guddiga Qaran ee Taakuleynta Ciidamada oo kulan la qaatay Ra’iisul Wasaare
Xasan Cali Kheyre.
Guddiga Qaran ee Taakuleynta Ciidamada, ayaa bishii July, ee sanadkan waxaa ku
dhawaaqay madaxweynaha dowladda Soomaaliya waxaana 48 saacadood kaddib markii
guddigan lagu dhawaaqay isaga baxay Jen,
Jaamac Maxamed Qaalib oo uu Madaxweynuhu u magacaabay Guddoomiyaha Guddiga.
C/raxmaan Diini,
Hiiraan Online
[email protected]