Wasiir Juxa : Musharax aan taageersannahay ma jiro doorashada madaxweynaha Hirshabeelle
Sabti, September, 16,
2017 (HOL) – Iyadoo maanta lagu wado magaalada Jowhar in ay ka dhacdo
doorashada madaxweynaha maamul gobolleedka Hirshabeelle, ayeey dhinaca kale
sheegtay dowladda Soomaaliya in ay dhaxdhaxaad ka tahay dhinacyada ku tartamaya
doorashada.
Wasiirka wasaarada arimaha gudaha dowladda federaalka
Soomaaliya Cabdi Faarax Juxa ayaa isaga oo ku sugan magaalada Jowhar sheegay in
dowladda federaalka kala taageeri doonin musharixiinta ku tartamaya doorashada.
‘’Dowladda federaalka wax dhinac ah oo ay la safan tahay ma
jiro, doorashadani waa doorasho maamul gobolleed, dadka reer Hirshabeelle ayaa
xaq u leh in madaxweynaha ay rabaan doortaan, cid aannu gaar u wadanaa ma jirto’’
ayuu yiri wasiirka.
Waxaa uu sheegay in ay goob joog oo kaliya u noqon doonaan sida ay doorashada u dhaceyso laakiin aysan
qaadan doonin door intaa ka badan.
Galinka danbe ee maanta ayaa la filayaa in magaalada Jowhar
ay ka dhacdo doorashada madaxweynaha maamulka Hirshabeelle oo ay ku tartamayaa
ilaa Siddeed musharax.
C/raxmaan Diini, Hiiraan Online
[email protected]