Ra’iisal wasaare Kheyre oo ka qeybgalay Carwada Bandhiga Buugaagta ee Muqdisho
Khamiis, September, 14, 2017 (HOL) - Ra’iisul ra’iisal wasaaraha xukuumada
Soomaaliya Xassan Cali Kheyre ayaa bogaadiyay Bandhiga Carwada Buugaagta oo
sanadkii 3aad lagu qabtay magaalada Muqdisho.
Ra’iisul wasaaraha oo tagay Bandhiga Buugaagta ayaa dhiirgalin u sameeyay
dhalinyaradii halkaa ku soo bandhigtay Buugaag kala duwan oo ay qoreen, isaga
oo halkaa ka iibsaday tiro Buugaag ah.
Ra’iisal wasaare Kheyre ayaa khudbad u jeediyey dadkii ka soo qeyb galay
bandhiggan ayaa sheegay in bulshada Soomaaliyeed ay ku jiraan dad leh hal
abuurka ay aqoontooda ku gaarsiin karaan dadkooda.
‘’Waxa aan halkan u imid in aan Buugaag iibsado ee uma imaan in aan khudbad
ka jeediyo, aad ayaan ugu faraxsanahay in aan arko bandhiggan quruxda badan oo
Soomaali ay iqtiraacday”ayuu yiri ra’iisul wasaare Kheyre.
Buugaagta halkaa lagu soo bandhigay ayaa isugu jiray kuwo taabanayay qisooyin gaar ah, sheekooyin, taariikh,
suugaan iyo arrimaha qoyska.
C/raxmaan Diini, Hiiraan Online
[email protected]
