Jowhar oo lagu soo gabagabeeyay khudbadaha musharixiinta u taagan xilka madaxweynaha M Hirshabeelle
Khamiis, September, 14, 2017 (HOL) – Magaalada Jowhar waxaa maanta ku soo
dhamaanaya khubadaha musharixiinta u taagan xilka madaxweynaha maamulka
Hirshabeelle, doorashada la filayo in ay dhacdo 16ka bishan maalinta Sabtida
ah.
Ilaa Siddeed musharax ayaa u taagan qabashada xilka madaxweynaha
Hirshabeelle kaddib markii xildhibaannada baarlamaanka maamulka kalsoonidii
kala noqdeen 14kii Augusto madaxweynihii
hore Cali Cabdullaahi Cosbole.
Musharixiinta ayaa isugu jira siyaasiyiin hore, mas’uuliyiin xilal horay uga
soo qabtay gobolka Hiiraan iyo shaqsiyaad ku cusub siyaasada.
Ammaanka magaalada Jowhar gaar ahaan xarunta doorashada ayaa aad loo
adkeeyay, si uusan u dhicin falal ka baxsan amniga inta lagu guda jiro arrimaha
doorashada madaxweynaha Hirshabeelle.
Musharixiinta ayaa maalinta berri ah la filayaa in ay soo gabagabeeyaan Ol’
Olahooda doorasho oo ay xodxodanayaan xildhibaannada oo noqonaya kuwa iska leh
go’aanka ugu danbeeya maalinta doorashada.
C/raxmaan Diini, Hiiraan Online
[email protected]