Axad, November, 05, 2017 (HOL) – Magaalada
Muqdisho waxaa xalay ka da’ay Roob xoog leh oo ilaa saakay saameyn adag ku
yeeshay isku socodka magaalada, waxaana la soo sheegayaan khasaare nafeed oo ka
dhashay roobka.
Roobka oo xoogiisa da’ay saqdii dhexe ee xalay ayaa saameyn weyn ku yeeshay
dadka degan xeryahay barakacayaasha magaalada Muqdisho, waxaana illaa iyo hada
la xaqiijiyay geerida carruur ka tirsan
qoysaska barakacayaasha.
Wararka ayaa intaa ku daraya in Xerooyinka baracayaasha ee ku yaalla
degmooyinka Yaaqshiid, Kaxda iyo Boondheere ay dad ugu geeriyoodeen, kaddib
daadad ka dhashay roobabkaas.
Saameynta Roobkan ayaa laga yaabaa in ay sii xoogeysato, maadaama tan iyo
saaka ay roobabka da’ayaan, waxaana degmooyinka qaar la soo sheegayaa in biyo
badan ay dadka guryaha ugu galeen.
C/raxmaan Diini, Hiiraan Online
[email protected]