Maxkamadda Mandhera oo xabsi dheer ku xukuntay Nin ka tirsanaa Ururka Al-shabaab
Khamiis, November, 30, 2017 (HOL) – Maxkamad ku taala Magaalada Mandera ee gobolka Waqooyi-Bari,
dalka Kenya ayaa xukun ku riday nin lagu soo eedeeyay in uu ka tirsanaa ururka
Al-shabaab.
Cabdiraxmaan Cabdi Taakow oo ay
soo qabteen ciidamada Asluubta bishii Sembtembar ayaa maanta lagu xukumay 30
sano oo xabsi ah.
Sida ay maxkadda sheegtay, Cabdiraxmaan
ayaa waxaa ku cadaatay in uu u shaqaynaayay Ururka Al-shabaab, iskuna dayay in uu gudaha u galo xerada
ciidamada Asluub ee magaalada Mandera si uu xog uruurin uga sameeyo xerada.
Xuseen Cusmaan Mursal oo ah
sarkaal ka tirsan ciidamada Asluubta ayaa ku marqaati furay Cabdiraxmaan,
isagoo sheegay in eedaysanaha Xabsiga ka soo galay darbi dunsan oo ku yaala
xabsiga.
‘’Anigoo waaridiye ka ah xarunta
ciidamada Asluubta, ayaa waxaan arkay eedaysanahaan oo oo galaya xarunta,
markaan qabtayna wuxuu ii sheegay in uu rabay in arrin uu u sheego
booliska," ayuu yiri Xusseen.
Marqaati labaad ayaa maxkada
u sheegay in cabdiraxmaan uu la socday ruux kale oo banaanka xarunta ku sugnaa,
kaa oo baxsaday markii eedaysanaha la qabtay.
Sidoo kale, sarkaal ka tirsan
waaxda la dagaalanka argagixisada ayaa maxkamadda u sheegay in cabdiraxmaan
suaalo badan oo la waydiyay kadib ay cadaatay in uu basaas u ahaa ururka
Alshabaab.
Ugu dambayn, Garsooraha maxkamadda
ayaa sheegay in cabdiraxmaan oo mudo ku noolaa magaalada Mandera u xog u gudbin
jiray Ururka Al-shabaab, laguna xumayo 30
sano oo xarig ah.