Xildhibaanno ka soo horjeestay habka loo soo magacaabay golaha wasiiradda Hirshabeelle
Khamiis, November, 30, 2017 (HOL) - Qaar ka tirsan Xildhibaanada
Baarlamaanka Maamulka Hirshabeelle ayaa waxa ay ka soo horjeesteen
magacaabistii Golaha Wasiirada maamulka Hirshabeelle ee shalay uu sameeyay Madaxweynaha
maamulka Hirshabeelle Maxamed Cabdi Waare.
Xildhibaanada ayaa waxaa ay sheegeen magacaabistii uu sameeyay madaxweynaha
in ay aheyd mid mala awaal ah, maadaama ay ku eedeeyeen in uusan sameyn
wadatashi, islamarkaana uu ku dhaqaaaqay go’aan maskaxdiisa ah.
Xildhibaan Cali Cismaan Ibaraahim [Cali Ciiley] oo la hadlay warbaahinta
ayaa sheegay in Madaxweynaha ay horey ugu heshiiyeen in uu koobi doono Golaha
Wasiirada, kuna soo xuli doono qaab cadaalad ah, balse dhammaan uu jebiyay
qodobadii lagu heshiiyay, Hirshabeellana hada aysan xamili karin Wasiiiro tiro
badan.
‘’Madaxweynuhu waxaa uu jabiyay dhamaan qodobadii lagu heshiiyay, waxaana ka
mid ahaa in uu soo dhisi doono xukuumad kooban oo tayo leh, waxaa uu magacaabay
57 wasiir oo maanta cid dhaqaale u heysa aysan jirin, sow ma’aha wixii
madaxweyihii isaga ka horeeyay xilka looga qaaday’’ ayuu yiri xildhibaanka oo
la hadlayay warbaahinta.
Madaxweynaha maamulka Hirshabeelle Maxamed Cabdi Waare ayaa magacaabay Gole
Wasiir oo ka kooban 57 xubnood, iyadoo aanay ku jirin Wasaaradda Haweenka oo
aanay wali cidna loo magacaabin.
C/raxmaan Diini, Hiiraan Online
[email protected]