Doorashadii Dagmada 6aad ee Minneapolis uga dhaxaysay Cabdi Warsame iyo Maxamud Nuur oo shalay dib loo tiriyey
Kadib doorashadii dalkaan Maraykanka ka
dhacday bishaan 7 deedii 2017 oo loogu tartamaayay kuraas kala duwan ayaa waxaa
magaalaada Minneapolis xaga soomaalida aad loo hadal hayeye mid u dhaxaysa
Cabdi Warsame iyo Maxamud Nuur iyadoo habeenimadii la shaaciyey in Cabdi
Warsame ku guulaystay ,ayaa Maxmaud Nuur oo la tartamay uu codsaday in dib
loogu noqdo tirada codadka isagoo sheegay in qalabkii Doorashada uu xumaaday
qaladna uu jiro,
Inraa kadib shalay oo Talaado aheed ayaa la
bilaabay dib u tirinta codadkii hore loo dhiibtay iyadoo gacanta lagu tirinayo
goob fagaare ah ,waxayna bilaabatay subaxnimadii ,xaafadaha dagamada 6aad ee
Minneapolis oo sagaal ayaa markii la tiriyey sadax ka mid ah aysan wax u
kordhin halka uu ka dhimay 1 cod, intaa kadib ayaa qareenka Maxamuud Nuur ayaa
codsaday in la joojiyo tirinta.
Lama garanayo waxa sababay in qareenka
ama taageerayasha Maxamud Nuur waxa ay u joojiyeen hawshii socotay ,ayaa dadka
qaar waxay sheegayaan in lagu baajinayo qarashkii ku socday xafiiska doorashada
Noor oo isagu bixin lahaa mar haduu codsaday qarashka ku baxaya dib u tirinta.
Mohamud Noor ayaa warbaahinta gobolka Minnesota u sheegay inuu sii wadi doono dacwadiisa uuna haysto cadeeymo sheegaya in dad aan daganayn xaafadda 6aad ee Minneapolis ay ka codeeyeen halkaas,
Ma jiro wax wara oo ka soo baxay xafiiska
Cabdi Warsame oo ku saabsan sidii shalay wax u dhaceen,waxaase la filayaa in
doorashada ku dhawaaqideeda ay dhacdo maalinta Jimcaha , xafiiskana dib loogu
dhaarin doono horaanta Janaayo 2018ka
Siyad Said Salah
Minneapolis MN
Hiiraan Online