Soomaalida Minneapolis dagan oo looga digay khatarta dawooyinka soo haray oo loo isticmaalo muqaadaraad ahaan.
Arbaco, November, 29, 2017 (HOL) – Taliyaha
ciidanka Nabadgalyada ee Degmada Hennepin qaybta Sheriff ka Sheriff Rick Stanek
ayaa todobaadkan kulan uu la qaatay jaaliyadda Soomaaliyeed waxaana isaga iyo
sarakiil ka tirsan xafiiskiisa uu ku saabsanaa sidii uu uga digi lahaa dadka
Soomaaliyeed khatarta ka imaan karta Dawooyinka dhaqatarku u soo qoray qaybta
ay isticmaaleen maahee inta ka soo hartay in caruurta iyo dadka isticmaala
balwadaha ay ka dhigtaan daroogo taasoo keeni karta inay u geeryoodaan.
Rich
Stanek oo uu barbar taagnaa Cabdi Maxamed oo loo yaqaan Cabdi Dheere oo ah
Masuul u qaabilsan xafiiskaas qaybta Horemarinta iyo Wacyi galinta bulshada
ayaa digay dhibaatooyinka laga dhaxlo dawooyinka oo si khaldan loo adeegsado. Waxaanu
uu sheegay in dhibaatada laga qaado dawooyinka sida daroogada loo adeegsado
aaney dadka kala soocin oo ay qof kasta ay dhibaatayso dad badanna ay u geeryoodeen.
Dad
badan oo dagan dalkaan Maraykanka, ayaa waxaa waxyeelo wayn ka gaartaa dawooyinka
loo qaato xanuunka oo dadka qaar ay sidii daroogada oo kale u adeegsadaan,
iyagoo isku muda (dura) nuucyo kale duwan. Waxaana badanaa dhacda in
dhalinyarada daroogada wehelka ka dhigtay ay qaataan dawooyin loo qoray
waalidkood oo nuucyo kala duwan ah oo inta ay isku daraan ay isku daroogeeyaan,
sida ay isla qireen hay’adaha caafimaadka iyo ciidamada nabadgalyada ee gobalkan.
Masuuliyiinta
goobta ka hadashay ayaa sheegay in sanadkii
2016kii kaliya waxaa dagmada Hennepin oo
qura au ku dhintay 153 qof oo da’doodu u dhaxayso 16 ilaa 98 jir oo
Kulanka
oo dadka ka soo qeyb galay ay u badnaayeen dadka waayeelka ah oo iyagu badanaa
adeegsada dawooyinka loo qaato xanuunada kala duwan ee ay dhakhaatiirtu qoraan,
ayaa lagu dhiiri
galiyey
inay dawooyinka haraadiga ah amaba dhacay ee aysan u baahnayn ay geeyaan
goobaha loogu talogalay in lagu qubo.
Sidoo
kalena waxaa ciidanka nabadgalyadu ay goobta keeneen baakado loogu talogaly in
dawooyinkaas ciddii heysa looga qaado.
Jaaliyadda
Soomaalida ee degmada Hennepin ayaa soo dhaweeyay ololaha madaxda dagmada ee
lagu dabar goynayo dhibaatada daroogada,
Siyad
Said Salah
[email protected]
Hiiraan
Online
Minneapolis,MN
