Talaado, November, 28, 2017 (HOL) - Dowladda
Itoobiya ayaa sheegtay in tiro ka badan 20 ruux lagu dilay dagaalo u dhaxeeyay
Qowmiyadaha Soomaalida iyo Oromada ee Itoobiya.
Wararku waxaa ay sheegayaan in labadan Qowmiyadood uu u dhaxeeya muran dhinaca
sohdinta deegaannada labada qowmiyadood ay deegaan, gaar ahaan deegaannada Ismaamulka
labada dhinac.
Afhayeen u hadlay dowladda Itoobiya ayaa sheegay in
dad ka badan 100 ruux ay ka soo xireen deegaanada Oromada degto.
Mas’uuliyiinta labada dhinac ee Ismaamulka
Soomaalida Itoobiya iyo kuwa Oromada ayaa bishii April ee sanadkan gaaray
heshiis lagu soo afjaro colaada u dhaxeysa labada dhinac.
Dagaalada u dhaxeeya Qowmiyadaha Soomaalida iyo
Oromada ayaa waxaa bishii September ee sanadkan ku barakacay Kumannaan Kun oo ruux, kaddib markii dagaalada ay ku sii fideen deegaanno hor leh.
Dowladda Itoobiya ayaa horay ciidamo Milateri u
geystay deegaanada lagu muransan yahay ee xadka labada dhinac, si ay u kala
dhex galaan, hasse ahaatee illaa iyo hadda waxaa socda dagaalka labada dhinac u
dhaxeeya.
C/raxmaan Diini, Hiiraan Online
[email protected]