Ra’iisal wasaare ku-xigeenka Soomaaliya oo booqday safaarada Soomaaliya ee dalka Saudi Arabia
Talaado, November, 28, 2017 (HOL) - Ra’iisul
wasaare ku xigeenka Soomaaliya Mahdi Maxamed Guuleed Khadar oo ku sugan
magaalada Riyad ee dalka Saudi Arabia ayaa booqday Safaaradda Soomaaliya ay ku
leedahay magaalada Riyad ee Boqortooyada Sucuudiga.
Ra’iisal wasaare ku-xigeenka ayaa u
kuur galay qaabka ay u shaqeyso Safaaradda iyo howlaha ay u qabato bulshada
Soomaaliyeed, kadibna waxaa uu kulan kula qaatay Xarunta Safaaradda
Diblumaasiyiinta iyo Shaqaalaha. Isagoo ku boggaadiyey howlaha muhiimka ah ee
dadka Soomaaliyeed u hayso safaaraddu.
“Waxaa fursad u helnay in aan booqano
Safaaradeedna Soomaaliya ee ku taalla Boqortooyada Sucuudiga,waxaana la kulmay
diblumaasiiyiin iyo madax u bisil una tababaran howsha loo idmaday, waana ku
ammaanayaa dadaalkooda Soomaalinimo iyo sida ay uga go’an tahay in ay kaalin
mugleh ka qaataan soo celinta sharafkii iyo karaamadii ummadda” ayuu yiri Ra’iisal
wasaare ku-xigeenka Mahdi Maxamed Guuleed.
Wafdiga Ra’iisul wasaare ku-xigeenka ayaa ka qeybgallay shir ay halkaa ku
yeesheen ilaa 41 dal oo looga hadlay arrimo la xiriira la dagaalanka kooxo
Argagixisada, waxaana safarkiisa ku wehlinayay xubno ka tirsan saraakiisha
ciidamada qalabka sida.
C/raxmaan Diini, Hiiraan Online
[email protected]