Gen Tareedisho : Saraakiil Al-shabaab ah oo baxsad ka ah duqeymaha ayaa soo galay gobollada dhexe
Isniin, November, 27, 2017 (HOL) – Gen Axmed Maxamed Treedisho oo ah
taliyaha guutada 52 aad ee xoogga dalka Soomaaliyeed ayaa sheegay in saraakiil
ka tirsan Al-Shabaab oo baxsad ah ay soo galeen deegaano ka mid ah gobolada
dhexe.
Isaga oo wariyayaasha kula hadlayay magaalada Baladweyne ayaa sheegay in
saraakiil sar sare oo ka tirsan Al-shabaab ay ka soo baxsadeen duqeymaha ay
diyaaradaha aan duuliyaha wadin ka geysanayaan qaar kamid ah gobolada Koofureed
ee dalka.
“Waxaa ay ka soo baxsadeen duqeymaha Koofurta Soomaaliya waxayna soo galleon
gobollada Galgaduud iyo Mudug umana ogolaanayno in ay dhaqdhaqaaq ka sameeyaan
deegaanada ay ay ku sugan yihiin”ayuu yiri Taliyaha guutada 52aad General
Axmed Maxamed Tredishe.
Treedisho ayaa intaa ku darray in qaar kamid ah saraakiisha Al-shabaab ay u
gudbeen maamul goboleedka Puntland gaar ahaan buuraha Galgala.
“Qaar ka mid ah madaxdooda waxaa ay mareen degmooyinka Ceeldheer iyo Xaradheere
iyagoo u gudbay Buuraha Galgala.”
Dhinaca kale waxaa uu sheegay in ay isu soo dhiibeen qaar ka mid ah
dagaalyahanada Al-Shabaab uuna rajeynayo in kuwo kale ay isa soo dhiibaan.
C/raxmaan Diini, Hiiraan Online
[email protected]