Ra’iisal wasaare Kheyre oo magacaabay Wasiirka Gaashaandhigga iyo Wasiir xilka laga qaaday
Axad, November, 26, 2017 (HOL)- Ra’iisal Wasaaraha Soomaaliya Xassan Cali
Khayre ayaa magacaabey Wasiirka cusub ee Wasaaradda Gaashandhigga ,iyadoo
xilkii laga qaaday Wasiirkii Diinta iyo Owqaafta Soomaaliya.
Wasiirka Warfaafinta Dhaqanka iyo Dalxiiska Xukuumadda Federaalka Soomaaliya
ayaa Eng. C/raxmaan Cumar Cusmaan Yariisow ayaa sheegay in wareegto ka soo baxday xafiiska Ra’iisul
Wasaare Xassan Cali Khayre lagu magacaabay Wasiirka Gaashaandhiga ee cusub
islamarkaana xilkii looga qaaday Wasiirkii Diinta iyo Owqaafta.
Ra’iisul Wasaaraha Xukuumadda Federaalka Soomaaliya ayaa xilkii
Wasiirka Gaashaandhigga umagacaabey Maxamed Mursal Sheekh C/raxmaan, iyadoo
sidoo kale isla degreetadaasi xilkii laga qaaday Wasiirkii Owqaafta iyo
arrimaha Diinta Xukuumadda Soomaaliya, Dr Iimaan C/llaahi Cali.
Xilki Wasiirka Diinta iyo Owqaafta Xukuumadda Soomaaliya waxaa sii hayn
doona Wasiiru Dowlaha Wasaaraddai C/xakiin Xassan Ashkir.
Wasiirka cusub gaashaandhiga la magacaabay Maxamed Mursal ayaa horay u soo noqday Wasiirka Tamarta iyo Biyaha Xukuumaddii hore, sidoo kale waxaa uu soo noqday Safiirka u horeeyay ee Soomaaliya u magacawday dalka Turkiga, kaddib burburkii dowladdii Dhexe.
C/raxmaan Diini, Hiiraan Online
[email protected]