Madaxweyne Waare oo ka hadlay isbadal lagu sameynayo ciidamada ku sugan maamulka Hirshabeelle
Sabti, November, 25, 2017 (HOL) – Madaxweynaha maamulka Hirshabeelle Maxamed
Cabdi Waare ayaa sheegay in ay isbadal
ku sameynayaan ciidamada Dowladda ee ku sugan gobolka Hiiraan.
Waxaa uu sheegay in iyaga oo kaashanaya Wasaarada Gaashaandhiga Soomaaliya
dhawaan is badal ku sameyn doonaan ciidamada Dowladda, islamarkaana u Guuri
doonaan xaruntooddii degmada Buula-burte.
Waxa uu xusay in Maamulka Hirshabeelle ay ka go’an tahay siddii loo tayayn
lahaa ciidamada Dowladda ee ka howlgala gobolka Hiiraan.
Waxaa uu sidoo kale ka hadlay doorka doorka ciidamada Jabuuti ee qeybta ka
howlgalka midowga Africa AMISOM ee ku sugan gobolka Hiiraan.
Waxaa uu sheegay in ciidamada Jabuuti ay yihiin ciidamo wanaagsan oo wadda
shaqeyn iyo kalsooni kala dhaxeyso shacabka ku dhaqan gobolka Hiiraan.
Madaxweynaha Maamulka Hirshabeelle Maxamed Cabdi Waare ayaa shacabka ugu
baaqay in ay xoojiyaan wada shaqeynta ay laleeyihiin ciidamada dowladda
federaalka Soomaaliya iyo kuwa Jabuuti ee ka howlgala gobolka Hiiraan.
C/raxmaan Diini, Hiiraan Online
[email protected]
