Hiiraan Online
4/27/2024
Today from Hiiraan Online:
Home
Somali Map
Sports
Opinion
RSS
Somali Music
Contact Us
Facebook
Twitter
Google Plus
Wararka Maanta- Khamiis, Nov 23, 2017
Gudoomiyaha baarlamanka Jabuuti oo ka qeybgali doona mid kamid ah fadhiyada baarlamanka Soomaaliya
Khamiis, November, 23, 2017 (HOL) –Max’ed Cali Xumad Gudoomiyaha baarlmanka dalka Jabuuti ayaa maanta gaaray magaalada Muqdisho ee caasimadda dalka, halkaa oo ay si diiran ugu soo dhaweeyay madax ka tirsan dowladda Soomaaliya oo uu kamid yahay gudoomiyaha baarlamanka dalka Mudane Max’ed Sheekh Cismaan Jawaari.
Sida uu gudoomiyuhu u sheegay warbaahinta, mudada uu joogo Muqdisho ayuu kulamo la qaadan doona madaxda dowladda Soomaaliya, isagoo xusay in uu ka qeybgali doono kulanka baarlamanka ee maalinta sabtida ah qabsoomi doona.
Waxa uu sidoo kale sheegay in gudoomiyaha baarlamanka Soomaaliya ay ka wada hadli doonaan sidii loo xoojin lahaa xiriirka ka dhexeeya baarlamannada labada dal.
Safarkan ayaa noqonaya kii ugu horeeyay uu gudoomiyaha baarlamanka Jabuuti ku yimaado Muqdisho tan iyo intii uu xilkaasi qabtay.
Xasan Nuur, Hiiraan Online
[email protected]
Kismaayo-Soomaaliya.