Arbaco, November, 22, 2017 (HOL) – Ra’iisal wasaaraha xukuumadda
Soomaaliya Xassan Cali Kheyre iyo wafdi uu horkacayo ayaa gaaray magaalada
Baydhabo ee xarunta gobolka oo lagu waddo in maalinta Berri ah uu ka dhaco
shirka gollaha wasiiradda Soomaaliya.
Ra’iisal wasaaraha iyo wafdigiisa waxaa ku soo dhaweeyay garoonka
diyaaradaha magaalada Baydhabo madaxweynaha Koofur Galbeed Shariif Xassan iyo
Mas’uuliyiin ka tirsan Maamulka Koofur Galbeed.
Ra’iisul Wasaaraha iyo wafdigiisa ayaa loo galbiyay xarunta Madaxtooyada
Koofur Galbeed, waxaana halkaas kulamo kula leeyihiin Mas’uuliyiinta Koofur
Galbeed.
Wafdiga ra’iisal wasaaraha ayaa hor dhac u shirka gollaha wasiiradda ee la filayo in maalinta Berri uu ka dhaco
magaalada Baydhabo, kaa oo baaqday Khamiistii todobaad hore.
Shirkan ayaa noqonaya kii labaad ee ka dhaca mid ka mid ah xarumaha dowlad
gobolleedyada, iyadoo shirkii ugu horeeyay gollaha wasiiradda ku
yeeshaan meel ka baxsan caasimada uu horay uga dhacay magaalada Kismaayo.
C/raxmaan Diini, Hiiraan Online
[email protected]
