Jimco, November 17, 2017 (HOL)- Magaalooyinka Burco, Ceerigaabo iyo Hargeysa ayaa
xalay waxa ka dhacay mudaharaado lagu
taageerayo xisbiga WADANI,islamarkaana lagu eedeyanyo Komishanka
Doorashooyinka.
Xaafado ka tirsan galbeedka Burco, Ceerigaabo iyo bariga
Hargeysa ayaa Taayiro ku gubay wadoodinkaa, haseyeeshee Ciidanka Amniga ayaa
markiiba dadkii kala dareeriyey, waxaanay la maqlayey rasaas ay ciidanku kor u
ridayeen oo ay dadka ku kala dareerinayeen.
Dadkan gadoodsan ayaa waxyeelo u gaystay dhismayaal iyo dad
shacab ah, kuwaas oo dhagaxaan la dhacay, iyadoo la sheegayo in ilaa dhowr qof
ku dhaawacmeen rabshadahaasi.
Dhinaca kale, taliyeyaasha ciidanka Amniga oo xalay sida
wada jir ah u hadlay ayaa sheegay in aanay cidna uga gabanayn in nabadgalyadda
la waxyeelo,islamarkaana aanay qofna ka sarayn sharciga, waxaanay shacabka ku
adkeeyey in la adkeeyo nabadgalyadda, sidaas darteedna aan cidna laga yeeleen
in ay nabadgalyadda waxyeesho.
“Wadanka doorasha ka dhacday, inkastoo natiijadii la soo
saarin si nabadgalyo aha ayeey u dhacday, waxaanu dadweynaha u sheegay markii
doorashadu bilaabmaysay in nabadgayada gudaha iyo dibada balan baanu ka qaadnay
inaanu ilaalino”ayuu yidhi taliyaha guud ee Ciidanka Militariga Nuux Taanni.
Taliyaha Ciidanka Booliska Gen:C/laahi Fadal ayaa sheegay in
xaafado kooban oo dhawr magaalo ah oo rabshado ka dhaceen markiiba la joojiyey,
waxaanu yidhi “Buuq baa ka bilaabmay dhawr goobood, Burco, Hargeysa, iyo Ceerigaabo,
marka qof walba sharciga ka sareeya cidna laga ogolaan maayo in
nabadgalyadda la waxyeelo, qofna uga dul qaadan mayno anmniga wadanka, marka yaan
shacabka iyo Ciidanka la iska hor keenin”
Si kastaba ha ahaatee, mudaharaadkaasi lagu taageerayo
xisbiga WADANI dhawaaqi ka soo yeeray ee ay ka cabanayeen Komishanka
Doorashooyinka waxa kala dareeriyey ciidanka Amniga.
Barkhad-ladiif M. Cumar,
Hiiraan Online
[email protected]
Hargeysa, Somaliland.
