Talaado, November, 14, 2017 (HOL) - Tirinta codadkii maanta laga dhiibtay doorashada madaxtinimada
Soomaaliland ayaa billaabatay kaddib markii dadku ay shalay codadkooda
dhiibteen.
Doorashadan ayaa u muuqata mid
Soomaaliland ay ku xoojineyso ololaha ay ku doonayaan in lagu aqoonsado in ay
dal madaxbannaan yihiin.
Xarumaha codeynta oo la furay
saaka 6-dii aroornimo ayaa la xiray 6-dii maqribnimo. Dadka qaar waxay safafka
galeen saacado ka hor intaysan furmin.
In kabadan 700 kun oo
codbixiyayaal ayaa codkooda ka dhiibtay ugu yaraan 1,600 oo xarumo codeyn,
waxayna kala dooranayeen saddax musharrax oo doonaya in ay bedelaan
madaxweynaha xilka baneynaya, Axmed Maxamed Maxamuud Siilaanyo.
Musharrixiinta tartamaya waxay kala yihiin Muse Biixi oo
ka tirsan xisbiga talada haya ee KULMIYE, Cabdiraxmaan Cirro oo hoggaaminaya
xisbiga WDANI iyo Faysal Cali Waraabe oo matalaya xisbiga UCID.
Natiijada ayaa la filayaa in la shaaciyo maalmo kaddib waxaana
lagu guda jiraa tirinta codadkii doorashada oo si wanagsan ku soo dhamaatay.
C/raxmaan Diini, Hiiraan Online
[email protected]
