Soomaalida degan Atlanta, Georgia oo taageero u muujisay Ahmed Hassan oo ku guuleeystay Golaha deegaanka
Isniin,
November, 13, 2017 (HOL) – Soomaalida dagan Magaalada Atlanta ee xarunta
gobolka Georgia, ayaa xalay iskugu timid xaflad lagu taageeraayo Ahmed Hassan
oo 7-dii bishaan November, mar kale ku guuleysatay Golaha deegaanka Xaafada
Clarkston ee degmada DeKalb ee Magaalada Atlanta.
Axmed
Xasan oo ah siyaasiga kaliya ee Soomaaliyeed ee laga doortay gobolkaan, ayaa
Sagaal Musharax oga guuleystay doorashadii dowladda hoose ee dhawaan uu galay.
Wuxuuna oga mahad celiyay dhammaan dadkii ka qeyb galay xafladdii lagu
taageeraayay, codadkii kii ay siiyeen iyo taageerada ay u muujiyeen.
Wuxuu
balan qaaday inuu si siman ogu shaqeyn doono Soomaalida ku nool gobolkaan,
isagoona ku booriyay dhalinyarada iney iska soo xulaan cidii beddeli laheyd
isla markaasna booskiisa u tartami laheyd marka uu xilligiisu dhammaado
2021-ka.
Siyaasigaan oo ah Ganacsade ku takhsuusay Xisaabinta iyo Maareynta
Maaliyadda, ayaa tibaaxay inuu ka shaqeeyay haggaajinta xiriirka u dhaxeeyo
Soomaalida degan gobolkaan iyo Dowladda, sidoo kalana wuxuu muujiyay inuu ku
dadaali doono isku-xirka dhalinyarada Soomaaliyeed iyo ka shaqeynta
horumarkooda.
Axmed
Xasan, ayaa afar sano ka hor noqday qofkii ugu horreeyay oo Soomaaliyeed oo loo
doortay booskaan, marka loo fiiriyo doorashadii dhacday Bishii Nofeembar ee
2013 oo sidaan oo kale loogu doortay Golaha deegaanka dowladda hoose ee
Magaalada Atlanta.
Inkastoo
Magaalada Minneapolis oo Atlanta hal saac ka danbeysa isla taariikhdaas lagu
doortay Abdi Warsame oo isagana noqday Soomaaligii ugu horreeyay ee magaaladaas
laga doortay.
Najah
Mohamed Ali, Hiiraan Online
E-mail: [email protected]
Atlanta,
Georgia – Mareykanka