3/29/2024
Today from Hiiraan Online:  _
Wararka Maanta- Jimco, May 27, 2017
Burcad-Baddeeda Soomaalidda oo afduubtay Doon iyo shaqaallihii saarnaa

 
Sabti,  May,  27, 2017 (HOL) –Doon kalluumeysi iyo 21 kamid ah shaqaallihii saarnaa ayaa waxaa afduubtay maanta kooxo burcad-Baddeed ah, sida warbaahinta koonfurta Kuuriya ay sheegeen.

Doonta kalluumeysi ayaa waxaa laga leeyahay dalka Koonfurta Kuuriya, waxana hadda ay gacanta ugu jirtaa Burcad-Baddeeda.

Wakaalladda wararka ee AP ayaa sheegtay in Doonta markii la afduubanayay ay mareysay meel ka baxsan biyaha dalka Soomaaliya.

Ilaa iyo hadda lama shaacin doonta jihadda ay u socotay iyo halkii ay ka timid.

Dhinaca kale waxaa jira warar sheegaya in Doonta kalluumeysi markii la afduubanayay ay ku jirtay howllo kalluumeysi sharci darra ah.

Waa doontii labaad oo muddo 7 cisho gudahood ah laga qafaasho badda Soomaaliya. 20-ka bishan ayeey aheyd kadib markii koox hubeysasn ay qabsadeen doon nooca kalluumaysiga ah oo laga leeyahay dalka Iran.

Dowladdaha Kuuriyadda Koonfureed, Shiinaha iyo Iraan, ayaa kamid ah dowladdaha ugu badan ee maraakiibta iyo Doomaha laga leeyahay dalalkooda ee ka sameeya kalluumeysiga sharci darrada ah xeebaha dalka Soomaaliya, sida warbixin ay sheegtay.

Hiiraan Online,
Hassan Istiila
[email protected]
Mogadishu,Somalia














Click here
5/27/2017 4:04 PM EST
Sabti, May, 27, 2017 (HOL) - Kooxda kubada cagta ee Arsenal oo marka la eego kala horeynta horyaalka Ingariiska ku jirta kaalinta Shanaad ayaa caawa ku guuleysatay Koobka FA CUPka.

5/27/2017 9:26 AM EST
Sabti, May, 27, 2017 (HOL) –Ciidanka dowladda Soomaaliya oo garab ka helaya kuwa Midowga Africa ee AMISOM, ayaa dib maanta ula wareegay degaanka Goof-Gaduud oo 30-KM u jira Magaalladda Baydhabo ee xarunta Gobolka Baay, sida warbaahinta dowladda ay sheegtay.

5/27/2017 8:40 AM EST
Sabti, May, 27, 2017 (HOL) -Madaxweyne dalka Soomaaliya mudane Farmaajo iyo RW dalka Canada Justin Trudeau ayaa fariin halkaan ku diray ku beegan bisha barakeysan ee Ramadaan

5/27/2017 8:09 AM EST
Sabti, May, 27, 2017 (HOL) - Dowladda Turkiga ayaa shaacisay in 300 oo Askari iyo tababarayaal u soo diri doonto Soomaaliya, gaar ahaan magaalada Muqdisho bisha August oo sanadkan.

5/27/2017 8:09 AM EST
Sabti, May, 27, 2017 (HOL) –Wafdi uu hogaaminayo wakiilka Qaramada Midoobay u qaabilsan Soomaaliya Ambassador Michael Keating ayaa gaaray degmada Doolow ee gobolka Gedo, ayadoo halaasi ay kusoo dhaweeyeen masuuliiyii ka tirsan dowlad goboleedka Jubaland.

5/27/2017 7:40 AM EST
Sabti, May, 27, 2017 (HOL) –Tartankan oo ah mid la qabto sanad walba marka la gaaro bisha Barakeeysan ee Ramadaan ayaa waxaa ku loolama arday kala mataleeysa dugsiyada barashada qur'aanka kariimka ee magaalada Kismaayo.

5/27/2017 6:45 AM EST
Sabti, May, 27, 2017 (HOL) - Maxkamada darrajada koowaad ee ciidamada Puntland ayaa xukun dil ah ku riday shan dhalinyarro ah oo sidda la sheegay dhawaan lagu qabtay iyaga oo la socday gaari laga soo buuxiyay walxaha qarxa.

5/27/2017 5:55 AM EST
Sabti, May, 27, 2017 (HOL) - Maleeshiyaad hubeysan ayaa deegaan lagu magacaabo Caliwaal oo ka tirsan deegaanka Balibusle ee bariga gobolka Mudug waxaaay ku dishay laba wiil oo walaalo ah, waxaana dadka deegaanka ay dilkan ku sheegeen in uu salka ku hayo aano qabiil.

5/27/2017 5:15 AM EST
Sabti, May, 27, 2017 (HOL) – Dowladda Imaaraadka Carabta oo dhawaan la wareegtay dekedda Berbera oo ay isticmaalayan saldhig militari, iyaga oo isku diyaarinaya weeraradii ugu horeeyay oo ay halkaa ka qaadaan.

5/27/2017 4:24 AM EST
Sabti, May, 27, 2017 (HOL) – Dowladda federaalka Soomaaliya ayaa ku dhawaaqday markii ugu horeysay in sameynayso manhaj cusub ka soo loogu talagalay in lagu hormariyo waxbarashada carruurta Soomaaliyeed.

5/27/2017 3:30 AM EST
Sabti, May, 27, 2017 (HOL) – Madaxweynaha dowladda federaalka Soomaaliya Maxamed Cabdullaahi Farmaajo ayaa Shacabka Soomaaliyeed ugu baaqay in ay caawiyaan dadka dhibaateysan inta lagu guda jiro bisha Barakeysan ee Ramadaan.

5/27/2017 2:55 AM EST
Sabti, May, 27, 2017 (HOL) – Iyadoo maalmihii ugu danbeeyay weeraro loo adeegsanayay qaraxyo ay ka dhaceen deegaanno ka tirsan gobolka Waqooyi Bari, ayeey sheegtay dowladda Kenya in ay ka foojigan tahay weeraro mar kale uga yimaada dhinaca Al-shabaab.

5/27/2017 2:24 AM EST
Sabti, May, 27, 2017 (HOL) –Garoonka diyaaradaha ee magaalladda Muqdishu, waxaa shalay soo caga dhigatay diyaarad sidday inkabada 50 qof oo Soomaali ah oo laga soo tarxiilay dalka Maraykanka, sida ay sheegeen saraakiisha garoonka Aadan Adde.

5/27/2017 2:01 AM EST
Sabti, May, 27, 2017 (HOL) –Wasiirka Wasaaradda Shaqada iyo Shaqaallaha Xukuumadda Fedaraalka Soomaaliya Mudane Saalax Jaamac, ayaa sheegay in ay dhimeen waqtiyadii Shaqadda ee Shaqaallaha Rayidka inta lagu guda jiro bisha barakeysan ee Ramadaan.