Maayarkii degmadda Xariirad oo Daad qaatay u geeriyooday iyo wasiir ka badbaaday
Talaado, May, 16, 2017 (HOL) - Alla ha u naxariista waxay Daad uu qaaday Maayarka
degmadda Xariirad ee gobolka Awdal Marxuun Abokor Xassan guuleed kadib
markii shalay makhribkii gaari ay la socdeen wafti xukuumadda ka tirsan uu
daadkaasi qaaday.
Weftigan uu maayarka geeriyooday la socday ayaa waxa ka mid
ahaa wasirka ciyaaraha iyo dhalinyaradda Cabdirisaaq Waaberi Rooble, waxaana
halkaasi laga soo badbaadiyey wasiirka iyo xubno kale oo la socday.
Dooxan gaadhiga uu maayarku ku jiray qaaday ayaa magaciisa
la yidhaahda Sac-Waraabis waxaana uu 5km dhinaca koon-fureed ka
xigaa magaalada Boon.
Wasiir ku xigeenka wasaaradda Dhalinyaradda iyo ciyaaraha
ayaa sheegay in wasiirka dhalinyaradda iyo xubnihii la socday ay aad u fiican
yihiin, haseyeeshee uu geeriyooday Maayarkii Xariirad.
Waftigan uu hogaaminayo wasiirka dhalinyarada iyo ciyaaraha
Somaliland ayaa waxa ay kusii jeedeen degmada saylac halkaasi oo ay hawlo shaqo
ka soo qabanayeen, waxanay ka hawlgalayeen inay ka qaybqaataan inay dadweynaha
gobolka Awdal kaadhadhka doorashooyinka qaataan.
Sikastaba ha ahaatee, wakhtiyadda
roobabka gu’ga bilaabmo ayaa waxa inta badan ka dhashay khasaaraha ay dooxyaddu
gaystaan, waxaana sanad walba u dhintay dad faro badan oo dooxyaddu qaataan.
Barkhad-ladiif M. Cumar, Hiiraan Online
[email protected]
Hargeysa, Somaliland.
