Mooshin laga keenay madaxweynaha maamulka Koonfur galbeed Shariif Xassan Sheekh Aadan
Khamiis, Maarso, 16, 2017 (HOL) – Xildhibaanno
ka tirsan baarlamaanka maamulka Koonfur galbeed ayaa guddoonka u gudbiyay
mooshin ka dhan ah madaxweynaha maamulka Shariif Xasan Sheekh Aadan.
Xildhibaanada ayaa madaxda uga sarreysa maamulka ku
eedeynaya waxqabad la’aan iyo in ay ka gaabiyeen howlihii loo idmaday ama loo
doortay.
Xildhibaanada ayaa sheegay in ay rajeynayaan in mooshinkan uu baarlamanka
dood ka yeesho 20bishan Maarso, ayaga oo guddoonka baarlamanka ugu baaqay inuu
xildhibaanada u furo hoolka baarlamanka.
Xildhibaanada mooshinka keenay ayaa gaaraya illaa 75 xildhibaan, waxaana ay
sheegeen in marnaba sida ay hadalka u dhigeen ka laaban doonin mooshinka sidii
marar badan hore dhacday.
Ugu danbeyntii, xildhibaannada mooshinka ku saxiixan oo noqonaya tiradii ugu
badneyd marka la eego tirada guud ee xildhibaannada maamulka Koofur galbeed
ayaa la ogeyn halka uu ku danbeyn doono.
C/raxmaan Diini, Hiiraan Online
[email protected]
