Faah faahin : Kulan dhaxmaray madaxweyne Farmaajo iyo xoghayaha arimaha dibada Britain + Sawirro
Arbaco, Maarso, 15, 2017 (HOL) - Madaxweynaha
dowladda Soomaaliya Maxamed Cabdullaahi Faraamjo ayaa xafiiskiisa ku qaabilay
Xog-hayaha arrimaha dibddda dowladda Britian oo ay ka wada hadleen
Iskaashiga labada dalka iyo taageerada dowladda Britian ee Soomaaliya.
Kulanka kaddib Maxamed Cabdullaahi
Farmaajo, ayaa sheegay in wada hadalkii isaga iyo Boris Johnson xog-hayaha arrimaha
dibadda Brtain uu ahaa mid taariikhi ah, isla markaana ay isku soo qaadeen
arrimo ay ka mid yihiin wax ka qabashada abaaraha dalka ka jira iyo in si
wadajir ah loo xoojiyo la dagaallanka Al-Shabaab, sidoo kalana dowladda UK ay
Soomaaliya ka caawiso dhismaha hay’adaha dowliga ah.
Dhinaca kale xog-hayaha arrimaha dibedda Britian Boris Jonhson, ayaa sheegay
in wada hadalka madaxweynaha uu la yeeshay uu ugu horreeyey xiriirka qotada
dheer ee labada dal, waxa uu sheegay in dowladda Ingariiska ay 10 milyan oo
Boun ugu talogashay abaaraha Soomaaliya ka jira, isla markaana dowladda ka
caawin doonaan la dagaallanka musuq-maasuqa iyo arrimaha amniga.
Ugu danbeynti, waxaa uu sheegay in dowladda ay ka gacan siinayaan
horumarinta kaabayaasha dhaqaalaha iyo dib u dhiska dalka, si amniga
loogu guuleystana ay si wadajir ah ula dagaallamayaan Al-Shabaab, waxa uu
intaa raaciyey in ay si heer sare ah u socoto qaban qaabada shirweynaha
London ka dhacaya ee arrimaha Soomaaliya looga hadli doono bulshada caalamka ay
ku yaboohi doonaan taageero buuxda.
C/raxmaan Diini, Hiiraan Online
[email protected]