Arbaco, Maarso, 15,
2017 (HOL) - Madaxweynaha maamulka
gobollada dhexe ee Ahlu Sunna Waljameeca Sheekh Max’ed Shaakir oo dib ugu
laabtay degmada Dhuusa-mareeb, kadib safar todobaadyadii ugu danbeeyay uu ku
joogay magaalada Muqdisho ayaa faah faahin ka bixiyay hishiis ay la gaareen
dowladda dhexe.
Sheekh Shaakir, ayaa sheegay in dowladda cusub ee
madaxweynaha uu ka yahay Max’ed Cabdullaahi Farmaajo isla soo qaadeen arimo
dhowr oo la xirira hagaajinta sida uu hadalka u dhigay xiriirka maamulka
gobollada dhexe ee Ahlu Sunna iyo dowladda dhexe oo xumaa waayadii ugu
danbeeyay.
‘’Dowladihii hore maamulka gobollada dhexe ee Ahlu Sunna hishiisyo ayeey la
galleen, waad ogtihiinoo wax oofiyay ma jirin hadda ka hor, waxaan rajeyneynaa wixii hishiis ah ee hadda
kadib la galo in la oofin doono, dowladda uu madaxweynaha ka yahay Max’ed Cabdullaahi
Farmaajo waxaan siweyn uga wada hadalnay danta caamka ah ee Soomaaliya iyo tan
gaarka ah ee gobollada dhexe, gaar ahaan waxaan isla soo qaadnay dhismaha iyo
tayeeynta ciidamo Soomaaliyeed oo awood leh si looga adkaado Al-shabaab’’ ayuu
yiri Sheekh Shaakir.
Madaxweynaha maamulka gobollada dhexe ayaa ka mid ahaa
hogaamiyayaashiii ka socday maamul gobolleedyada dalka ee Muqdisho ee uga
qeyb-gallay bishii hore calleemo saarka madaxweyne Max’ed Cabdullaahi
Farmaajo, taasoo wax xooggaa isku soo dhawaasho ah ka dhax abuurtay dowladda
iyo maamulka Ahlu Sunna oo markii hore kala taagnaa.
Ugu danbeyntii, maamulka gobollada dhexe Ahlu Sunna ayaa wali diidan jiritaankahorjeeda maamulka kale ee Galmudug, taasoo xumeysay cilaaqaadkii iyo xiriirkii
kala dhaxeeyay dowladdii uu madaxweynaha ka ahaa Xassan Sheekh Max’uud afartii
sano ee la soo dhaafay.
C/raxmaan Diini, Hiiraan Online
[email protected]
