Isniin, Maarso, 13, 2017 (HOL) - Waxaa maanta magaalada Jowhar ee xarunta maamulka Hirshabeele lagu dhaariyay xubnaha golaha wasiirada cusub ee uu maamulka yeelanayo kuwaa oo dhawaan ay ansixiyeen xildhibaannada baarlamaanka maamulka.
Munaasabada dhaarta golaha wasiirada ayaa waxaa goobjoog ka ahaa
Madaxweynaha Hirshabeelle Cali Cabdulahi Cosoble,Madaxweyne ku xigeenka
Hirshabeelle Cali Cabdulaahi Xuseen iyo guddoomiyaha baarlamaanka
Hirshabeelle Shiikh Cismaan Barre Maxamed iyo xildhibaano ka tirsan
baarlamaanka Hirshabeelle.
Madaxweynaha dowlad goboleedka Hirshabeelle Cali Cabdulaahi Cosoble
oo ka hadlay munaasabadan ayaa waxa uu soo bandhigay qorshaha dowladiisa
ee afarta sano ee soo socota.
Hadal gaaban oo uu jeediyay golaha wasiirada ee la dhaariyay ayuu
Madaxweynaha Hirshabeelle Cali Cabdulaahi waxaa kula dardaarmay inay
waajibaadkooda shaqo ka soo dhalaalaan isla markaana ummadooda ay ugu
adeegaan cadaalad iyo sinaan.
Sidoo kale munaasabada dhaarinta ayaa waxaa ka hadlay guddoomiyaha
baarlamaanka Hirshabeelle Shiikh Cismaan Barre Maxamed iyo Madaxweyne ku
xigeenka Hirshabeelle.
Wasiirada la dhaariyay ayaa waxaa ay isugu jiraan 23 wasiir,6
wasiiru dowle iyo 23 wasiir ku xigeen. Golaha wasiirada ayaa 33 ka mid
ah waxa laga soo xulay xildhibaanada baarlamaanka halka inta kale aysan
ahayn xildhibaano.
C/raxmaan Diini, Hiiraan Online
[email protected]