Isniin, Maarso, 13, 2017 (HOL) –Ilaa
40 masaajid oo ku yaal gobolka Minnesota ayaa qorsheenaayay inay si wada jira
dhaqaale ururin ugu sameeyaan dhamaystirka dhul qabuuro ah oo ay yeeshaan
Muslimiinta qaasatan Jaaliyadda Soomaalida ee
Minnesota, waxayse mashruucii u weeciyey dhanka abaaraha ka jira
Soomaaliya oo ay maalintaas dhmaan
masaajidaa loogu yabooho dhaqaale abaaraha.
Maxamaed
Aadan madaxa mashruuca qabuuraha ee almaqrif ayaa HOL u sheegay sababta ay
sidaa u sameeyeen ay tahay markay arkeen dhibta iyo qaylo dhaanta ka soo
yeeraysa dalkii hooyo ay sidaa isla garteen maamulayaasha masaajidada hore u
qorsheenaayay inay caawiyaan mashruuca qabuuraha,
Masaajidada ku yaal gobolkaan ayaa badi u diyaar garoobaya
maalinimadda jimcaha ee Maarso 17 keeda 2017 ayaa dhaqaalo ururin sameeyn doonaan
iyagoo markaa kadib u lacagahaa ku wareejin doonaan hay’adaha samafalka eek a
diiwaan gashan dalkaan Maraykanka.
Dadaalka culumadu ka wadaan dalalka dibada ayaa ah mid ay
xil gaara iska saaraan wax ka qabadka abaaraha, Shiikh Xasan Maxamud Jaamaici imaamka masjid Dacwa St Paul ayaa bartiisa facebooga
ku soo bandhigay dhaqaalahii uu u uruuriyey abaaraha waxuuna yiri “
waxa aan ururinay ilaa shalay iyo maanta oo dhan $6.400.00 ( 6 kun iyo Afar
boqol).
Isugeynta tii shalay iyo maanta waxay wada noqonaysaa $9,400.00 waxaan wadi doonaa
howshaas Ilaahey idinkiisa,waxaana ku dirnay Amaano Money Transfer. Waxaa mahad
leh Madaxa hay'adda samafalka Somali Rebuild Organization, walaalkeena Cumar
Nur, oo aan ku soo dirnay magaca hay'addaa.
Hawlaha wax ka qabashadda abaaraha ayaa ka socda
dalalka caalamka oo ay Soomaalidu ku nool yihiin , waxaana dhawaan idiin soo
gudbin doonaa qaab aad ku taageeri kartaan wax ka qabashada abaaraha idinkoo
isticmaalaya aalado kala duwan sida ay qorsheenayaan maamulka HOL.
Siyad Said Salah
Hiiraan Online
[email protected]
Minneapolis,MN