Axad, Maarso, 12, 2017 (HOL) – Ciidamada nabad-galyada dalka Kenya gaar ahaa
qeybta la dagaalanka argagixisada ayaa warbaahinta u sheegay in ay qabteen Lix
ruux oo lagu tuhmayo in ay ka tirsan yihiin Xarakada Al-Shabaab.
Dadkan ayaa lagu qabtay howlgal ay si gaar ah u fuliyeen ciidamada booliska
oo ka dhacay magaalo xeebeedka Malindi ee dalka Kenya.
“Waxaan xirnay Lix ruux oo aan ku hayno cadeymo muujinaya in ay xiriir toos
ah lala leeyihiin Al-shabaab, marka dhawaan sharciga ayaan horkeeni doono ,inta
badan cadeymaha waxaana ka helay todobo teleefan oo ay wateen” ayuu yiri
taliyaha ciidamada magaalada Malindi
Muchangi Matawa.
Sidoo kale waxaa uu tilmaamay taliyaha in lixdaan qof dhalinyarada ku nool
magaalada ay ku tashkiilin jireen in ay ku biiraan Al-Shabaab.
Ugu danbeyntii, tuhmaanayaasha ay gacanta ku dhigeen ciidanka booliska
Kenya ayaa waxaa ka mid ah haweenay la aaminsan yahay in gabdhaha Kenya ay ku
biirin jirtay Al-Shabaab ,islamarkaan ay kasoo gudbin jirtay xadka Soomaaliya.
C/raxmaan Diini, Hiiraan Online
[email protected]
