Jimco, June, 30, 2017 (HOL) – Waxaa xabsiga dhexe ee magaalada Muqdisho laga sii dayay oo ka baxay tiro maxabiis ah, kaddib markii uu cafis u fidiyay madaxweynaha dowladda Soomaaliya
Maxamed Cabdullaahi Farmaajo.
General Xuseen Xasan Cismaan, Taliyaha Ciidamada Asluubta Somaliyeed oo
warbaahinta u sheegay in dadkaasi ay xabsiga ugu xirnaayen dembiyo
fudud oo lagu soo eedeeyay.
Waxaa uu sheegay taliyaha in maxbuus kasta oo la sii dayay ay siiyeen sida
uu hadalka u dhigay lacag $ 20 doolar ah oo sida uu hadalka u dhigay ka dhigto
gaari raac.
Taliyaha, ayaa soo hadalqaaday in sidaan oo kale ay Talaadadii Xabsiga Dhexe
ka sii daayeen 13 nin, ka dib cafis uu u fidiyay Madaxweyne Farmaajo.
Dhammaanba maxaabiista cafiska loo fidiyay, ayaa waxaa magacyadooda soo
gudbiyay guddi uu madaxweynaha u xil saaray in ay soo gudbiyan magacyada dadka
dembiyada fud fudud ugu xiran xabsiga dhexe ee Xamar.
Horay waxaa xabsiga looga sii daayay 13 maxaabiis muddo dheer ku xirnaa
xabsiga dhexe kuwaa oo la sheegay in intooda badan loo heystay lacago deymo ah
oo laga lahaa.
C/raxmaan Diini, Hiiraan Online
[email protected]