Ra’iisal wasaare Kheyre’’ Beesha caalamka waxaa ay hadda u soo jeesatay in ay wax la qabato Soomaaliya
Jimco, June, 30, 2017 (HOL) – Ra’iisul wasaaraha xukuumada Soomaaliya Xassan
Cali Kheyre ayaa sheegay in xiligan dalalka
caalamka u soo jeesteen wax u qabashada Soomaaliya, loona baahan yahay shacabka
Soomaaliyeed arrintaa taageeraan.
Ra’iisal wasaaraha ayaa sheegaya in dalka uu ku soo jiray mudo dheer oo bur
bur iyo dagaalo sokeeye ah, balse wixii xiligan ka danbeeya loo baahan yahay in
loo soo jeesto dib-u-dhiska dalka iyo sidii horey loogu wada socon lahaa.
Waxaa uu intaa ku darray in shacabka Soomaaliyeed laga doonayo in ay u istaagaan
siddii ay uga qeyb qaadan lahaayeen dib u dhiska dalka, maadaama beesha caalamka
ay taageero dhan walba ah Soomaaliya la garab taagan tahay.
“Dadka Soomaaliyeed waxaan u sheegayaa aduunyadu way u soo jeedaa
Soomaaliya, aduunyadu waxey diyaar u tahay in ay wax nala qabato oo ay nala
shaqeysato, dadka Soomaaliyeed waxaana ka codsanayaa in ay u istaagaan sidii
dalka dib loogu dhisi lahaa” ayuu yiri ra’iisul wasaare Khayre.
Ra’iisal wasaaraha ayaa sheegay in isaga, madaxweynaha iyo xubnaha kale ee dowladda
in ay u istaageen siddii Soomaaliya ay horey ugu sii socon laheyd, si loo gaaro
hormaro balaaran.
Hadalka ayuu ra’iisal wasaaraha ka
sheegay kulan maalintii shalay magaalada Muqdisho uu kula yeeshay wasiirka
arimaha dibada Norway.
C/raxmaan Diini, Hiiraan Online
[email protected]
