Saameynta maqnaashaha Internetka ee gobollada Koonfurta iyo Bartamaha Soomaaliya
Khamiis, June, 29, 2017 (HOL)- Isticmaalka Internetka ayaa hadda u muuqda mid
meelwanaagsan kaga jira nolasha dadka Soomaliyeed, kaddib markii ay soo
ifbaxday saameyn weyn oo maqnaashihiisa uu ku yeeshay dhaqdhaqaaqii kala
duwanaa ee adeega bulshada.
Waxaa inta badan meesha ka baxay shaqooyin badan oo ku xirnaa Internetka
sida Xawaaladaha iyo xafiisyada shaqada, iyo dad badan oo howlmaalmeedkooda
meel wanaagsan uu kaga jiray, kuwaasoo saacad walba is weydiinaya waqtiga iyo
xiliga la heli doono adeegii Internetka.
Xafiisyada dowlada , hay’adaha iyo shirkadaha kale ee ka jira magaalada
Muqdisho iyo qaar ka mid ah gobolada dalka ayaa sidoo kale wax shaqo ah ka
jirin. waxaana goobahaasi ay inta badan shaqooyinkooda ku xirnaa Internetka.
Laakiin marka laga soo tago shirkadaha Xawaaladaha ee lacaga kala gudbiya
iyo xafiisyada dowladda iyo kuwa gaarka loo leeyahay, saameynta ugu weyn ee arintan waxaa dareemay
qeybaha kala duwan ee warbaahinta oo adeegooda ugu badan uu ku xirnaa
isitcmaalka Internetka.
Maamulada Soomaaliland iyo Puntland ayaan
arintan la qabin qeybaha kale ee dalka, waxaana dadka deegaannadaa ku dhaqan ay
si caadi ah u isticmaalayaan adeega Internetka, madaama aysan wax saameyn ay
dhinacooda ku yeelan cilada jirta.
Maanta waa maalintii Shanaad oo Internetku hawada ka maqan yahay, walina macada
xiliga uu dib u shaqo bilaabi doono Viper Optica , waxaana socda dadaalo badan
oo lagu doonayo in lagu xaliyo cida jirta .
C/raxmaan Diini, Hiiraan Online
[email protected]