Khamiis, June, 29, 2017 (HOL) - Amarki uu Madaxweynaha
Donald Trump uu uga mamnuucay in ay galaan dalka Mareykanka qaxootiga iyo
muwaadiniinta ka soo jeeda Lix dal oo ka mid ah wadamada Islaamka ayaa dhaqan
galaya saacadaha hore ee maanta oo Khamiis ah.
Saraakiisha socdaalka Mareykanka ayaa sugaya tilmaamo ku
saabsan habka ay u fulin doonaan amarka madaxweye Trump, iyadoo madaxda waaxaha
arrimaha dibadda, cadaaladda iyo amniga gudaha aysan wali u kala caddeyn
shakhsiyaadka loo ogolaan doono in ay soo galaan iyo kuwa laga celin doono
xuduudaha iyo garoomada diyaaradaha Mareykanka ee ka soo jeeda dalalka Iran,
Libya, Somalia, Sudan, Syria and Yemen.
Waaxda amniga gudaha Mareykanka ayaa u xaqiijisay dadka
musaafurka ah in aysan la kulmi doonin isku-dhax-yaacii ka dhacay garoomada
diyaaradaha marki ugu horeysay ee uu dhaqan galay amarkii madaxweyne Trump
bishii March ee sanadkan.
Qaar ka mid ah qareenada muhaajiriinta ee Mareykanka ayaa
sheegay in ay iska xaadirin doonaan maanta garoomada diyaaradaha ee caalamiga ah
si ay u caawiyaan dadka uu saameyn doono amarka trump.
Maxkamadda sare ee Mareykanka ayaa Isniintii dib u
fasaxday amarkii madaxweynaha Mareykanka uu si ku-meel gaar ah ugu diiday in ay
Mareykanka ku yimaadaan muwaadiniinta u dhashay Lix waddan oo ka mid ah dalalka
dunida Islaamka.
C/raxmaan Diini, Hiiraan Online
[email protected]