Maamulka Dekadda iyo Gobolka Saaxil oo ka hadlay dab ka kacay qaybta Koontiinaradda Dekadda Berbera
Arbaco, June, 28, 2017 (HOL) – Shirkadda DP world ee dekadda Berbera maamusha iyo guddoomiyaha
gobolka Saaxil ayaa siyaabo kala duwan uga hadlay dab ka kacay qaybta
Koontinarka ee dekadda Berbera.
Dabkan
qarxay ayaa la sheegay in uu ka kacay Koontiinar ay ku jireen walxo Acid
ah, taas oo kulaylka xeebta Berbera sababtay inuu dab ka kaco, waxaanay
sheegeen in markiiba la bakhtiyey.
War-saxaafadeed
ka soo baxay shirkadda DP Wolrd ee maamusha Dekadda ayaa sheegtay in
Koontiinarkaasi dabku ka kacay ganacsadihii lahaa markii hore alaabta ku
jirta wax kale ku sheegay, waxaanay tilmaameen in sababta uu alaabta ku
jirta aanu si cad u cadayn ay baadhayaan Ciidamada dambi baadhista
“Koontiinar
ay ku jiraan walxo Kiimikaco ah oo aan loo yeelin calaaamaddo muujinaya waxa ku
jira shixnadda koontiinarka ku jira inay tahay khatar sida xeerka baduhu
tilmaamayaan , waxaanu ganacsadaha koontiinarku ka been sheegay walxaha ku jira
Koontiinar oo aanu Manafeestadda ku cadeyn, wuxuuna ahaa hadhaagii ka soo
hadhay Qaraxii koontiinarkii hore ee sababay qaraxa bisha 18 June,2017,kaasi oo
meel cidlo ah la dhigay oo dekadda ka baxsan”ayaa lagu yidhi qoraalka
shirkaddda DP Wold ka sooa baxay.
Shirkaddu
waxay sheegtay in aanu qaraxaasi sababin wax khasaare ah oo maal iyo naf toonna
ah.
Sidoo
kale,waxa qaraxaasi koontiinarka ka hadlay Badhasaabka gobolka Saaxil Jaamac
Axmed Yuusuf oo sheegay in Koontiinarkaasi ahaa mid ay ku jireen walxo ciid ah
oo heer kulka ka jira Berbera sababay.
“Walxaha
kiimikaddu waxa hore loogu keeni kari Caaggii hore loogu keeni jiray mid aan
ahayn, kaasi oo mid ka mid ah dilaacay oo uu qiiq siidaayey, wax dab ah ama
olol ah oo ka ma jiro laakiin Qiiq uun ayuu siidaayey”ayuu yiri Jaamac
Badhasaabka gobolka Saaxil.
Si
kastaba ha ahaatee, toddobaad gudaheed ayaa qaybaha Koontiinarka laba
jeer oo isku xigta dab ka kacay oo qiiqiisa laga soo arkayey meelo fog
fog, waxaanay dadweynuhu is waydiinayeen sababta todobaad gudaheed uu dab uga kaco
qaybta Kootiinarka oo aan awal hore lagu arag.
Barkhad-ladiif
M. Cumar, Hiiraan Online
[email protected]
Hargeysa,
Somaliland.