Arbaco, June, 28, 2017 (HOL) - Guud ahaan marka la eego amniga magaalada
Muqdisho ayaa siweyn loo adkeeyay, iyadoo ay nagu soo fool leedahay xuska
munaasabad 01 Luulyo oo ku beegan xoriyadii gobollada Koonfureed iyo Is-raacii
labada gobol ee Koonfur iyo Waqooyi.
Ciidamo aad u hubeysan ayaa lagu arkayaa dhamaanba jidadka galla caasimada
Muqdisho, kuwaa oo baaritaanno dheeraad ah ku sameynaya gadiidka gudaha gallaya
magaalada iyo dadka saaran intaba.
Sidoo kale ciidamada xasilinta caasimada ayaa siweyn u adkeeyay ammaanka
magaalada Muqdisho.
Dadka la socda gadiidka gudaha galla caasimada ayaa la weydiinayaa su'aalo iyo
haddii ay jiraan dad damiin ka ah iyo
baaritaano kale oo dheeraad ah oo ka duwan kuwii horay loo arki jiray.
Inkastoo marka la eego amniga caasimada uu ka wanaagsan yahay sidii hore, gaar ahaan
marka la eego bishii Ramadaan iyo maalmihii ciidul-fidriga, hadana waxaa jirta
cabsi laga qabo in ay dhacaan weeraro inta lagu guda jiro maalmaha xoriyadda.
Dowladda Soomaaliya ayaa diyaar garoow xooggan ugu jirta xuska dabaal dega 01-da
Luulyo, iyadoo guddi loo saaray ay ka shaqeynayaan diyaarinta munaasaabada.
C/raxmaan Diini, Hiiraan Online[email protected]
