Arbaco, June, 28, 2017 (HOL) – Wararka naga soo gaaraya gobolka Waqooyi Bari
Kenya ayaa sheegaya in qarax khasaare dhimasho iyo dhaawac geystay uu ka dhacay
deegaanka Laamu.
Qaraxan ayaa haleelay gaari ay saarneeyaan ciidamada Kenyan ah iyo arday,
waxaana ku dhimatay 8 qof oo isugu jirta askar iyo arday, sidoo kale waxaa jira
dhaawacyo soo gaaray dad kale oo gaariga saarnaa.
Saraakiisha ciidamada Kenya ayaa waxa ay sheegeen in ay wadaan baaritaano
lagu raadinayo raggii ka dambeeyay qaraxan, waxayna sheegeen in ay gacanta ku
soo dhigi doonaan.
Todobaadyo ka hor waxaa qarax Miino sidoo kale lala eegtay ciidamada Kenyan
ah, waxaana qaraxaasi ka dhashay khasaare dhimasho iyo dhaawac ah.
Shabaab ayaa weerarada nuucaan oo kale ah waxaa ay ka geystaan degaanada
gobolka Waqooyi bari dalka Kenya, halkaasi oo ay ku beegsadaan ciidamada Kenya.
C/raxmaan Diini, Hiiraan Online
[email protected]