Dowladda Imaraadka oo sheegtay in Cunaqabtayn dheeraad ah la saarayo Qadar Hadii aysan Aqbalin Dalabka Xulufada
Arbaco, June, 28, 2017 (HOL)–Safiirka Dowladda Imaaraadka u
Fadhiya Ruushka ayaa ku goodiyay in cunuqabatayn dhaqaale oo dheeraad ah la
saari doono dowladda Qadar hadii aysan u hogaansamin dalabka xulufada uu
hogaaminayo Sucuudigu.
Cumar Ghobash oo waraysi siinayay
wargayska Guardian ee ka soo baxa Ingiriisk ayaa sheegay in dalabka 13-ka qodob
ah looga baahan-yahay Qadar in ay aqbasho si ay oga fogaato cunaqabatayn kale
oo lagu soo rogo.
"Hadii aysan doonayn in Qadar
ay aqbasho dalabaadkeena , arintu markaa waxa ay u muuqan in dhankeena aynan u
baahnayn iyaga " ayuu yiri safiirka oo tilmaamay in ay diyaar-yihiin
qodobo kale oo la doonayo in lagu kordhiyo dalabki hore.
Safiirka ayaa Qadar uga digay
xiriirka ay la leedahay dowladaha Iran iyo Turkiga ,kuwaasi oo Qadar u soo
gurmaday markii lagu soo rogay cunaqabtaynta ,iyada oo ciidamo ka socda turkiga
la keenay Doha kuwasi oo qayb ka ah heshiis ay labada dhinac kala saxiixdeen
sanado ka hor.
Mar uu ka hadlay arinta Al-jazeera
ayuu sheegay in ay ku xad-gudbeen xoriyad-da hadalka ,isaga oo tilmaamay in
fahamka ereygaas sida loo qeexayo uu yeelan karo macno kale marka la joogo
khaliijka ,isaga oo tusaalooyin dhowr ah bixiyay.
"Waxaan ka dalbanaynaa in Qadar
ay doorasho yeelato , hadii ay doortaan IRan ,waxaan ka filaynaa in ay
aqbalaan cawaaqibta arintaas ka dhalan karta " ayuu hadalkiisa sii
raaciyay , xilli xiisadda gobolka ka jirta ay sii kordhayso.
Faysal M. Hassan
[email protected]