Jimco, June, 02, 2017 (HOL) –Wasaarrada dekeddaha iyo gadiidka Badda ee
xukuumada Soomaaliya ayaa sheegtay in la gaaray xiligii bad xirinka, iyadoo
dhinaca kalana u digtay ganasatada iyo
Maraakiibta isticmaasha dekedda.
Ganacsatada Soomaaliyeed ayeey uga digtay wasaarrada in ay isticmaalaan
Maraakiibta iyo Doonyaha yar yar, si aysan nafsadooda iyo hantidoodaba halis u
gelin.
Maxamed Cismaan Cali Dhagax –Tuur oo ah agaasimaha guud ee wasaarrada
dekeddaha iyo gadiidka xukuumada
Soomaaliya ayaa sheegay in la gaaray xilliga bad xiranka, Maraakiibta iyo
Doonyaha yar yar aysan mari karin Bad weynta Hindiya.
Waxaa uu intaa ku darray in looga baahan yahay ganacsatada iyo Maraakiibta in
ay muujiyaan waqtigan foojignaan dheeraad ah madaama dhibaato laga yaabo in ay
kala kulmaan dabeylaha dhacaya si looga badbaado bur bur hantiyeed iyo khasaare
ka dhasha dableylaha.
Sanadkasta xilligan oo kale waxaa Badda ka dhaca dabeylo waa weyn kuwaasi oo
ka imaanaya Koonfur Galbeed, islamarkaana u dhaca waqooyi Bari.
Dekedda Muqdisho ayaa ah isha dhaqaalle ee ugu weyn dowladda federaalka
Soomaaliya, waxaana digniintan ay soo saartay wasaarrada hakad galin doontaa
wati kooban dhaqdhaqaaqa dekedda.
C/raxmaan Diini, Hiiraan Online
[email protected]
