3/29/2024
Today from Hiiraan Online:  _
Wararka Maanta- Jimco, July 21, 2017
Aqriso magacyada 10-ka Arday ee kaalmaha ugu horeeyay ka gashay Imtixaanka shahaadiga ee Wasaaradda Waxbarashada

 
Jimco, July, 21, 2017 (HOL) - Wasaaradda Waxbarashada xukuumadda Federaalka ee Soomaaliya, ayaa gelinkii dambe ee shalay shaacisay Natiijada Imtaxaanadkii shahaadiga ee Dowladda.

Wasiiru dowlaha Wasaaradda Waxbarashada ee Xukuumada Soomaaliya Mudane Cabdiraxmaan Maxamuud Cabdulle ayaa sheegay in sanadkan ay imtixaanka ku baastay ku dhawaad 16,000 oo arday.

“Tirida imitixaanka ku baastay sanadkan waa 15, 356 arday, 5,094 ay gabdho yihiin halka 10,262 ay wiilal yihiin” ayuu yiri Wasiiru dowlaha Wasaaradda Waxbarashada.

Wasiir ku-xigeenka  Wasaaradda Waxbarashada  Feysal Cumar Guuleed ayaa sheegay in uu qorshaha imtixaanka ee sanadka uu ahaa inay u  fariistaan  ilaa iyo 23,000 (saddex iyo labaatan kun) oo ardey  laakiin waxaa  imtaxaanka ka qeybgalay  oo u suurta gashay , 18,239 (sideed iyo toban kun, labo boqol, sodon iyo sagaal) ardey.

“23,000 waxa ay ahayd intii is diiwaangelisay, balse waxaa sanadkan imtixaanka u fadhiistay 18,239 arday, inta kale waa ay u suurta geli weysay inay imtixaanka galaan” ayuu yiri Wasiir ku-xigeenka Waxbarashada Soomaaliya.

Tabanka ardey  ee  kaalimaha hore ka galay Imtaaxnka shahaadiga ee sanadkan ayaa waxaa Dowladda Soamaaliya siisay deeqo waxbarasho oo dalka dibadiis ah  sida uu sheegay Ra’iisulwasaare ku-xigeenka Dalka Mudane Mahdi Maxamed Guuled (Khader).

“Tobanka arday ee ugu sareysay waxa ay dowladda siineysaa deeqo waxbarasho oo dibadda ah, oo weliba cuntada, tikidkiisa iyo noloshiisa dowladda ayaa qabta Insha Allah” ayuu yiri Ra’iisul Wasaare ku-xigeenka Soomaaliya. 

Aqristayaasheena Sharafta leh waxaan u ballanqaadeynaa in aan dhawaan usoo bandhigi doono Wareysi aan la yeelanay Wasiirka Waxbarshadda Xukuumadda Federaalka ee Soomaaliya.

Hiiraan Online,
Hassan Istiila
[email protected]
Mogadishu,Somalia













Click here
7/21/2017 3:53 PM EST
Jimco, July, 21,2017 (HOL)– Wararka naga soo gaaraya degmada Xeraale ee gobolka Galguduud ayaa sheegaya in tiro ka badan 20 ruux ku dhinteen dagaal bilaawday Khamiistii shalay.

7/21/2017 9:40 AM EST
Jimco, July, 21,2017 (HOL) –Warar dheeraad ah ayaa ka soo baxaya afduubka saddex dumar ah oo ka tirsanaa hay’ad maxali ah oo ka shaqeysa arimaha miino baaridda oo Aroornimadii hore ee saakay Al-shabaab ka qafaasheen deegaanka Farlibaax ee gobolka Hiiraan.

7/21/2017 8:38 AM EST
Jimco, July, 21,2017 (HOL) – Booliiska dalka Israa’iil ayaa ka mamnuucay in ay salaada Jimcaha ku tukadaan Masjidka AL-Aqsa ragga da’doodu ka yar tahay 50 sano, taasoo macnaheedu yahay in masjidka loo ogol yahay oo kaliya dadka da’doodu intaa ka weyn tahay.

7/21/2017 6:23 AM EST
Jimco, July, 21, 2017 (HOL) –Mukhtaar Rooboow Cali Abuu-Mansuur ayaa la sheegay in uu iska diiday codsi uga yimid xoogagga Al-shabaab oo ka dalbaday in marka kale uu ku soo biiro ururka, kaddib markii dhawaan dowladda Mareykanka ka qaadeen xayiraadii saarneyd.

7/21/2017 5:28 AM EST
Jimco, July, 21. 2017 (HOL)- Xoogag ka tirsan Al-shabaab ayaa xalay weerar culus ku qaaday deegaanka Farlibaax ee gobolka Hiiraan iyaga oo dil iyo afduub u geystay shaqaale ka tirsanaa hay’ad samafal.

7/21/2017 3:04 AM EST
Jimco, July, 21, 2017 (HOL) -Xasan Macalin Yuusuf waa muwaadin Soomaali ah oo kunool xaafadda Buula-Xuubeey ee dagmadda Wadajir, wuxuu halkaas dagan yahay mudo dheer waxaana uu asbuucan la kulmay sheeko isagu uu qaadan waayay hadana dhinaca kale uu ku tijaabiyay halka ay maanta joogto Dowladnimada Somalia.

7/21/2017 2:37 AM EST
Jimco, July, 21, 2017 (HOL) -Madaxweynaha Jamhuuriyada Federaalka ee Soomaaliya Maxamed Cabdullahi Farmaajo ayaa sheegay in aan loo dulqaadan karin dagaal saacadihii lasoo dhaafay ka dhacay degaanka Xeraale ee Gobolka Galgaduud.

7/21/2017 2:11 AM EST
Jimco, July, 21, 2017 (HOL) -Shirkii Golaha Wasiirada ee Xukuumadda Federaalka Soomaaliya ayaa shalay waxaa looga hadlay arrimo ay kamid yihiin Amniga, hindise sharciyeedyada, waxqabadka wasaaradda Gargaarka iyo arrimo kale.