Khamiis, 20, 2017 (HOL)- BBC-da Laanta Af Sooomaaliga ayaa lixdan jirsatay, waxaanay
munaasiiba balaadhan loogu qabtay magaaladda Hargeysa oo ah halkii ay barigii
hore ka unkatay 1957/7/18.
Xuska lixdan guuradda BBC-da Soomaalida waxa qayb weyn ka ahaa
tartan loo qabtay haweenka Gabya, waxaana ka qaybaatay tartankaasi boqol
haweena, taas oo laga soo xullay saddexdii haweenka ahaa ee ugu Gabayga
wanaagsanaa.
Saddexdan hablood ee kaalmaha hore ka gallay tartankaasi suugaanta
waxa kaalinta kowaad gashay Deeqa Nuux Yoonis, Fadxiya Aadan Yuusuf iyo Shugri
Jaamac Ibraahim oo kaalmaha labaad iyo saddaxaad kala gallay.
Deeqa Nuux Yoonis oo ah gabadh 23 jir ah oo sannadkii labaad ee
jaamacada ku jirta ayaa ka guulaysatay 100 gabdhood oo la tartamay.
Tartanka suugaanta ayaa u furnaa in ay ka qeybgalaan dhammaan
gabdhaha da'doodu ay u dhaxeyso 16-ka ilaa 35-ka, iyada oo aan lagu xidhin
khibradooda iyo halka ay ku nool yihiin.
Balse tartanka ayaa waxaa shuruud u ahaa oo keliya in gabeyga
looga qeybgalayo uu yahay mid gabadhu ay curisay oo iyadu leedahay.
Soomaalida ayaa qani ku ah gabeyga, BBC Soomaalina waxa ay
rejeynaysaa in abaalmarintan ay sare u qaadi doonto aqoonta jiilka cusub ee
Somaliyeed iyo sidoo kale kobcinta gabdhaha da'da yar ee ku taxan dhageysiga
BBC Somali.
Tifaftiraha cusub ee laanta Af soomaaliga ee BBC Cabdillaahi
Cabdirisaaq ayaa sheegay in dumarku u baahnayeen uun wax ka hadlaya, waxaanu
sheegay in tiro ka badan inta qiyaasayeen in ay ka qaybqaataan tartanka
Suugaanka, waxaanu sheegay in guddidii tartanka xulaysay aanay
magaca qofka tartanka ku jira aanay u sheegin oo ay calaamad gaar ah uun ku
dhajinayeen, waxaa ayna sheegeen in guddidu markii ay soo kala saareen ay tartame
waliba magaciisa ku dul qoreen, waxaanu sheegay in ahmiyadda la saarayey uun
fariinta qofku gudbinayo.
Barkhad-ladiif M. Cumar, Hiiraan Online
[email protected]
Hargeysa, Somaliland.
